సల్లూ భాయ్ సల్మాన్ఖాన్ త్వరలో `రాధే మోస్ట్ వాంటెడ్ బాయ్`తో ప్రేక్షకుల ముందుకు రానున్న విషయం తెలిసిందే. ప్రభుదేవా దర్శకత్వం వహిస్తున్నారు. దిశ పటాని కథానాయికగా నటిస్తోంది. ఈ మూవీకి సంబంధించిన ట్రైలర్ని ఇటీవలే మేకర్స్ రిలీజ్ చేశారు. యాక్షన్ ప్యాక్డ్ ఎంటర్టైనర్గా రూపొందుతున్న ఈ మూవీలో ఎన్ కౌంటర్ స్పెషలిస్ట్ రాధేగా సల్మాన్ఖాన్ నటించాడు.
అయితే ఈ ట్రైలర్లో సల్మాన్ఖాన్ హీరోయిన్ దిశ పటానిని లిప్ లాక్ చేసిన విజువల్స్ ఇప్పుడు హాట్ టాపిక్గా మారాయి. సల్మాన్ ఇండస్ట్రీలో అడుగుపెట్టి 32 ఏళ్లవుతున్నా ఇప్పటి వరకు తన సినిమాల్లో ఒక్క లిప్ లాక్ సీన్లో నటించలేదు. అయితే ఈ విషయంలో తన పేరుమీద వున్న రికార్డుని `రాధే` సినిమాతో సల్మాన్ బ్రేక్ చేయడంతో ప్రస్తుతం చర్చనీయాంశంగా మారింది.
గతంలో కపిల్ శర్మ ఆన్ స్క్రీర్ లిప్ లాక్ గురించి అడిగిన ప్రశ్నకు సల్మాన్ తనకు ఆన్ స్క్రీన్ రొమాన్స్ ఇష్టం వుండదని, పైగా ముద్దు సన్నివేశాల్లో నటించడం ఇబ్బందిగా వుంటుందని సల్మాన్ ఖాన్ వెల్లడించారు. అయితే తాజాగా `రాధే`లో దిశ పటానికి లిప్ లాక్ ఇవ్వడంతో అప్పటి షో వీడియో ఇప్పుడు సోషల్ మీడియాలో ట్రెండ్ చేస్తున్నారు. దీంతో ఆ నాటి సల్మాన్ మాటల్ని గుర్తు చేసుకుంటున్న ఫ్యాన్స్ ఆశ్చర్యపోతున్నారట. లేదు లేదంటూనే సల్మాన్ దిశతో లిప్లాక్ చేశాడని వాపోతున్నారట.