తగ్గను అనేది కండల విషయంలో కాదు… సినిమాల విషయంలో; ఎందుకంటే సల్మాన్ భాయ్ కి ఒక నిరుపేద పాత్ర ఇచ్చినా కూడా, లాజిక్ కి భిన్నంగా అక్కడ కూడా ఆయన చొక్కా విప్పి సిక్స్ ప్యాక్ చూపిస్తాడు. ఇప్పుడు సినిమాల రిజల్ట్ తో సంబంధం లేకుండా సల్మాన్ భాయ్ ఫుల్ ఫామ్ లో ఉన్నాడు. ఆల్రెడీ గత ఏడాది ఆఖర్లో వచ్చిన దబాంగ్ 3 సినిమా టాక్ తో సంబంధం లేకుండా కలెక్షన్స్ కొల్లగొట్టింది.
ఇప్పుడు సల్మాన్ మళ్ళీ తన లక్కీ చమ్ అయిన సౌత్ సెన్సేషన్ ప్రభుదేవా మాస్టర్ తో “రాధే” సినిమా షూటింగ్ స్టార్ట్ చేసాడు. ఈ 2020 ఈద్ కి రిలీజ్ చెయ్యడమే లక్ష్యంగా యూనిట్ ప్లాన్ చేస్తోంది. ఒక సినిమా సెట్ మీద ఉండగానే సల్మాన్ భాయ్ మరొక సినిమా ok చేసాడు. “బచ్చన్ పాండే” , హౌస్ ఫుల్ 4 సినిమాల డైరెక్టర్ ఫర్హాద్ సామ్జీ చెప్పిన స్టోరీ నచ్చడంతో ప్రాజెక్ట్ ఫైనల్ చేసాడు సల్మాన్ భాయ్. ఈ సినిమాను 2021ఈద్ కి రిలీజ్ చేయనున్నారు. గతంలో సల్మాన్ తో “కిక్” లాంటి భారీ హిట్ సినిమా చేసిన నిర్మాత సాజిద్ నదియాడ్ వాలా ఈ మూవీని నిర్మిస్తున్నారు. ఇక ఈ సినిమా ఎంటర్టైన్మెంట్ ప్రధానంగా ఉండవచ్చు.
ఈమధ్య పెద్ద హీరోలు అందరూ, బాలీవుడ్ మరియు సౌత్ లో కూడా ఒకరిద్దరు క్రియేటర్స్ తో ట్రావెల్ అవుతూ రిపీటెడ్ గా వాళ్ళతోనే సినిమాలు చేస్తున్నారు. దక్షిణాదిన అజిత్ డైరెక్టర్ శౌర్యం శివతో 4 సినిమాలు, హీరో విజయ్ అయితే వరుసగా డైరెక్టర్ మురుగదాస్ & అట్లీ కుమార్ లతో సినిమాలు చేసారు. ఇక బాలీవుడ్ లో కొంతకాలంగా ఖాన్స్ బ్యాచ్ లలో ఆమీర్, షారుఖ్ లను దాటుకుని సల్మాన్ ఖాన్ ఒక్కడే వరుసగా సినిమాలు చేస్తున్నాడు. షారూఖ్ అసలు ఏడాదిగా మేకప్ వేసుకోలేదు. ఇక ఆమీర్ ఖాన్ అయితే 3 ఏళ్లకు గానీ ఒక సినిమా చెయ్యడు. బాలీవుడ్ నెంబర్ 1సీటు సల్మాన్ – అక్షయ్ కుమార్ లమధ్య తిరుగుతోంది. విచిత్రం ఏంటంటే ఇద్దరూ సౌత్ ఫ్లేవర్ సినిమాలను ఫ్లాప్ టైం లో నమ్ముకున్న వాళ్ళే.