రాజమౌళి తెర‌కెక్కిస్తున్న ప్ర‌తిష్టాత్మ‌క చిత్రం `ఆర్ ఆర్ ఆర్`. రామ్చరణ్, ఎన్టీఆర్ తొలి క‌ల‌యిక‌లో వ‌స్తున్న చిత్ర‌మిది. ఫ్రీడ‌మ్‌ఫైట్ నేప‌థ్యంలో ఈ చిత్రాన్ని రాజమౌళి తెర‌కెక్కిస్తున్నాడు. ఇప్ప‌టి వ‌ర‌కు 80 శాతానికి మించి చిత్రీక‌ర‌ణ పూర్త‌యింది. ఈ చిత్ర ఫ‌స్ట్‌లుక్ మోష‌న్ పోస్టర్, టైటిల్ లోగో ఎప్పుడెప్పుడు విడుద‌ల‌వుతుందా అని గ‌త కొన్ని నెల‌లుగా అభిమానులు ఆశ‌గా ఎదురుచూస్తున్నారు. ఆ ఎదురుచూసుల‌కు తెర తీస్తూ ఉగాది రోజున చిత్ర బృందం సినీ ప్రియుల‌కు స‌ర్‌ప్రైజ్ ఇచ్చింది. ఒకే సారి డ‌బుల్ ధ‌మాకాని అందించింది.
టైటిల్ లోగో, మోష‌న్ పోస్ట‌ర్‌ని రిలీజ్ చేసింది. ఈ చిత్రానికి `ఆర్ ఆర్ ఆర్` (రౌద్రం ర‌ణం రుధిరం) అనే టైటిల్‌ని ఫిక్స్ చేశారు. మోష‌న్ పోస్ట‌ర్‌లో రామ్చరణ్ బ‌డ‌బాగ్నిగా చూపించిన రాజమౌళి యంగ్ టైగ‌ర్ ఎన్టీఆర్‌ని ఉప్పెన‌గా చూపించిన తీరు ఆక‌ట్టుకుంటోంది. ఒక‌రు రౌద్రం ,.. ఒక‌రు రుధిరం…. ఈ ఇద్ద‌రు క‌లిసి చేసే ర‌ణం ఏ స్థాయిలో వుంటుందో ఊహించుకోండి అన్న‌ట్టుగా వుంది మోష‌న్ పోస్టర్. 1920 నేప‌థ్యంలో సాగే ఈ చిత్రం బ్రిటీష్ ఇండియా కాలం నేప‌థ్యంలో అత్యంత శ‌క్త‌మంతంగా రాజమౌళి మార్కు అబ్బుర ప‌రిచే స‌న్నివేశాల‌తో సాగుతుంద‌ని అర్థ‌మ‌వుతోంది.
మోష‌న్ పోస్ట‌ర్‌లో కీర‌వాణి ఇచ్చిన నేప‌థ్య సంగీతం, బీజిఎమ్స్ రోమాంచితంగా వున్నాయి. సినిమాలో ఆయ‌న త‌న నేప‌థ్య సంగీతంతో మరోసారి `బాహుబ‌లి` మ్యాజిక్‌ని రీ క్రియేట్ చేయ‌బోతున్న‌ట్టు అర్థ‌మ‌వుతోంది. దాదాపు 350 కోట్ల భారీ బ‌డ్జెట్‌తో రూపొందుతున్న ఈ చిత్రంలో అల్లూరి సీతారామ‌రాజుగా రామ్చరణ్, కొమ‌రం భీంగా ఎన్టీఆర్ న‌టిస్తున్నారు. అలాయాభ‌లట్‌, ఒలివియా మోరీస్ క‌థానాయిక‌లు. డీవీవీ దాన‌య్య నిర్మిస్తున్న ఈ చిత్రం వ‌చ్చే ఏడాది జ‌న‌వరి 8న ప్ర‌పంచ వ్యాప్తంగా 10 ప్ర‌ధాన భార‌తీయ భాష‌ల్లో రిలీజ్ కాబోతోంది.
Water douses fire!
Fire evaporates water!
And the two forces come together with immense energy… to present the title logo of #RRR!!! #RRRMotionPoster – https://t.co/2Lm1db3VrL @tarak9999 #RamCharan @ajaydevgn @aliaa08 @OliviaMorris891 #RRRMovie— rajamouli ss (@ssrajamouli) March 25, 2020