బాలీవుడ్ యంగ్ హీరో సుశాంత్ సింగ్ రాజ్‌పుత్ అనుమానాస్ప‌ద మృతి దేశ వ్యాప్తంగా సంచ‌ల‌నం సృష్టించిన విష‌యం తెలిసిందే. ఆ త‌రువాత బ‌య‌ట‌ప‌డిన డ్రగ్స్ కేసులో సుశాంత్ ప్రేయ‌సి రియా అరెస్ట్ అయిన విష‌యం తెలిసిందే. ఆ త‌రువాత ఈ కేసుకు సంబంధం వున్న చాలా మందినికి నార్కొటిక్స్ కంట్రోల్ బ్యూరో సమ‌న్లు జారీ చేసి విచారించిన విష‌యం తెలిసిందే.
అయితే ఈ విచార‌ణ‌లో భాగంగా రియా సోద‌రుడు షోయిక్ చక్రవర్తి డ్రగ్ పెడ్లర్లతో సంబంధాలున్నాయ‌నే ఆరోపణలతో అరెస్టయ్యాడు. ఇదే ఆరోప‌ణలు ఎదుర్కొన్న రియా జుడీషియ‌ల్ క‌స్ట‌డీలో నెల రోజుల‌కు పైగా ఉండి ఆ త‌రువాత బెయిల్‌పై విడుద‌లైంది. రియా సోద‌రుడు షోయిక్ కూడా బెయిల్ కోసం ప్ర‌య‌త్నించి విఫ‌ల‌మ‌య్యాడు. గ‌త మూడు నెలలుగా త‌ను జైలులో ఉన్నాడు. తాజాగా అత‌నికి కూడా బెయిల్ ల‌భించ‌డంతో బ‌య‌టికి వ‌చ్చాడు.
మాదకద్రవ్యాల అక్రమ రవాణాకు సంబంధించి నిందితుడిగా మొత్తం కేసులో అతని పాత్రను పరిగణనలోకి తీసుకున్న కోర్టు నార్కోటిక్ డ్రగ్స్ అండ్ సైకోట్రోపిక్ పదార్థాల చట్టంలోని సెక్షన్ 27 ఎ తన కేసులో వర్తించదని కోర్టు తెలిపింది. అయితే ఈ కేసు రుజువైతే మాత్రం అత‌నికి 20 సంవత్సరాల వరకు శిక్షించవచ్చు అని తెలుస్తోంది.