మాస్ మహరాజ్ రవితేజ హీరోగా సుధీర్ వర్మ డైరక్షన్ లో ఒక సినిమా వస్తున్న విషయం తెలిసిందే. ఈ సినిమాకు సంబందించిన ఓ న్యూస్ ప్రస్తుతం సోషల్ మీడియాలో వైరల్ గా మారింది. సినిమా టైటిల్ ఫిక్స్ అయినట్టు తెలుస్తుంది. రవితేజ ఈసారి రావణాసుర టైటిల్ తో వస్తున్నట్టు టాక్. ఈ టైటిల్ నే త్వరలో చిత్రయూనిట్ ప్రకటించినున్నారట. అభిషేక్ పిక్చర్స్ బ్యానర్ లో అభిషేక్ నామా నిర్మిస్తున్న ఈ సినిమాలో రవితేజ నెగటివ్ షేడ్స్ ఉన్న పాత్రలో కనిపిస్తాడని తెలుస్తుంది.
ప్రస్తుతం రవితేజ నటించిన ఖిలాడి రిలీజ్ కు రెడీ అవుతుంది. ఇక ఈ సినిమా తర్వాత రామారావు ఆన్ డ్యూటీ కూడా సెట్స్ మీద ఉంది. ఈ సినిమా తర్వాత నక్కిన త్రినాథ రావు డైరక్షన్ లో ఒక సినిమా చేస్తున్నాడు. అయితే సుధీర్ వర్మ సినిమా మాత్రం రవితేజ మార్క్ తో ఉంటుందని అంటున్నారు.
రావణాసుర టైటిల్ తో మాస్ రాజా మరోసారి తన సత్తా చాటాలని చూస్తున్నారు. మరి టైటిల్ తోనే ఓ వైబ్రేషన్స్ సృష్టిస్తున్న ఈ సినిమా ఎలా ఉంటుందో చూడాలి.