మాస్ రాజా ర‌వితేజ మరోసారి పిరియాడిక్ ఫిల్మ్ చేయ‌బోతున్నారా? అంటే అవున‌నే స‌మాధానం వినిపిస్తోంది. ఇటీవ‌ల వి.ఐ. ఆనంద్ ద‌ర్శ‌క‌త్వంలో వ‌చ్చిన చిత్రం `డిస్కోరాజా`. 1980 కాలం నాటి డాన్‌గా విభిన్న‌మైన పాత్ర‌లో ర‌వితేజ న‌టించారు. పిరియాడిక్ చిత్రంగా రూపొందిన ఈ మూవీ బాక్సీఫీస్ వ‌ద్ద ఊహించ‌ని స్థాయిలో ప‌రాజ‌యాన్ని చ‌విచూపింది.
అయితే ఈ మూవీ త‌రువాత కూడా మాస్ మ‌హారాజా ర‌వితేజ మరోసారి పిరియాడిక్ చిత్రాన్ని ప్లాన్ చేస్తున్నార‌ట. ప్ర‌స్తుతం ర‌మేష్ వ‌ర్మ ద‌ర్శ‌క‌త్వంలో ఓ భారీ చిత్రాన్ని చేస్తున్న ర‌వితేజ ఈ సినిమాతో పాటు త్రినాథ‌రావు న‌క్కినతో ఓ సినిమా చేయ‌బోతున్నారు. ఈ మూవీలో ర‌వితేజ్ ప‌వ‌ర్‌ఫుల్ పోలీస్ ఆఫీస‌ర్‌గా క‌నిపిస్తార‌ట.
అయితే ఈ మూవీ కూడా `డిస్కోరాజా` త‌ర‌హాలోనే పిరియాడిక్ స్టోరీ అని వార్త‌లు వినిపిస్తున్నాయి. ర‌వితేజ ప్ర‌స్తుతం గోపీచంద్ మ‌లినేని రూపొందిస్తున్న `క్రాక్‌` చిత్రంలో న‌టిస్తున్నారు. కిరాక్ పోలీస్ ఆఫీస‌ర్‌గా ర‌వితేజ పాత్ర చాలా డిఫ‌రెంట్‌గా క‌నిపిస్తోంది. య‌దార్థ సంఘ‌ట‌న‌ల ఆధారంగా రూపొందుతున్న ఈ చిత్రం త్వ‌ర‌లోనే రిలీజ్ కాబోతోంది.