సూపర్ స్టార్ మహేష్ బాబు ఒక టెరిఫిక్ యాక్టర్. ఈ స్టేట్మెంట్ లో అసలు మరో మాట లేదు. ఎమోషనల్ సీన్స్ అయినా, కామెడీ అయినా, యాక్షన్ అయినా మహేష్ సీన్స్ ను నెక్స్ట్ లెవెల్ కు తీసుకెళ్తాడు. కళ్ళతో ఇంటెన్సిటీ పలికించగల అతికొద్ది మంది నటుల్లో మహేష్ ఒకడు. అయితే ప్రతి హీరోకి ఒక వీక్ పాయింట్ ఉంటుంది. మహేష్ కు కూడా ఉంది. అదే డ్యాన్స్. అల్లు అర్జున్, తారక్, చరణ్ లలా మహేష్ ఏమీ టెరిఫిక్ డ్యాన్సర్ కాడు. అయితే మరీ తీసికట్టుగా కూడా లేకుండా ఏదో అలా మ్యానేజ్ చేస్తూ బండి లాగించేస్తుంటాడు. మహేష్ స్వయంగా తాను డ్యాన్స్ లో వీక్ అని ఒప్పుకున్న సందర్భాలు ఉన్నాయి. అయితే మహేష్ ఒక్కడే కాదుగా, ఇండస్ట్రీలో చాలా మంది హీరోలు డ్యాన్స్ లో వీక్ ఉంటారు. అలాగే డ్యాన్స్ బాగా వచ్చిన తారక్, బన్నీ, చరణ్ లకు వేరే విషయాల్లో వీక్ పాయింట్స్ ఉంటాయి. ఇవి ఎవరూ బయటకు చెప్పుకోరు. ఏవో ఫ్యాన్స్ కొట్టుకోవడానికి ఉపయోగపడతాయి తప్ప వీటి గురించి ప్రస్తావన అనవసరం.
అయితే ఇప్పుడు రష్మిక తెలిసి చేసిందో తెలీక చేసిందో కానీ మహేష్ ఫ్యాన్స్ కు మంటెక్కించే పనే చేసింది. ఒక మీడియాకు ఇచ్చిన ఇంటర్వ్యూలో మాట్లాడుతూ 2019లో తన సినిమాల గురించి స్పందించింది. ఆ సమయంలో సరిలేరు నీకెవ్వరు గురించి మాట్లాడుతూ మహేష్ డ్యాన్సింగ్ ఎబిలిటీతో నేను ఎంత వరకూ మ్యాచ్ చేసానో తెలీదు, నా వరకూ రిహార్సల్స్ బాగా చేసుకున్నా అని చెప్పింది. ఈ విషయంపై మహేష్ ఫ్యాన్స్ ను ఆడుకుంటున్నారు మిగతా వాళ్ళు. మహేష్ డ్యాన్స్ పై ట్రోల్స్ వీడియోస్ ను రష్మికకు ట్యాగ్ చేస్తూ దీని గురించేనా చెప్పేది? అంటూ పోస్ట్స్ పెట్టారు. ఇంకొంత మంది అయితే మహేష్ కే ఇలా అయిపోతే అలా తర్వాత చేయాల్సింది అల్లు అర్జున్ తో. అప్పుడేమంటావో అని డైరెక్ట్ గానే అడిగేస్తున్నారు.
ఇప్పుడు ఈ స్టేట్మెంట్ ఫ్యాన్స్ వార్స్ కు తెరతీస్తోంది. మహేష్ ను ఈ విషయంలో ట్రోల్స్ చేస్తుంటే, మహేష్ ఫ్యాన్స్ ఊరుకుంటారా? మెగా ఫ్యాన్స్ లో పవన్ కళ్యాణ్ డ్యాన్స్ పరంగా కొంత వీక్ కాబట్టి తన డ్యాన్స్ పై ఉన్న ట్రోల్స్ ను హైలైట్ చేస్తున్నారు. ఇలా రష్మిక ఇచ్చిన ఒక్క స్టేట్మెంట్ ఇంత రగడకు కారణమైందన్నమాట.