దగ్గుబాటి వారి ఇంట పెళ్లి సందడి పూర్తయింది. రానా దగ్గుబాటి తన స్నేహితురాలు మిహీక బజాజ్ ను నిన్న రాత్రి వివాహం చేసుకున్నాడు. రామానాయుడు స్టూడియోస్ లో ఈ వివాహం అంగరంగ వైభవంగా జరిగింది. రానా దగ్గుబాటి షేర్వాణీ ధరించగా, మిహీక గోల్డ్, క్రీం కలర్ మిక్స్ లెహెంగాను ధరించింది.
ప్రస్తుతం ఉన్న కరోనా పరిస్థితుల నేపథ్యంలో కుటుంబ సభ్యులు, చాలా దగ్గరి వారు మాత్రమే ఈ వేడుకకు హాజరయ్యారు. కుటుంబ సభ్యులు కాకుండా చాలా తక్కువ మందినే ఈ వేడుకకు ఆహ్వానించారు. పెళ్లి వేడుకకు వచ్చిన వారిలో రామ్ చరణ్, ఉపాసన, అల్లు అర్జున్ ల పేర్లు ప్రముఖంగా చెప్పుకోవచ్చు. మిగిలిన గెస్ట్ ల కోసం ఇంటి వద్ద నుండే పెళ్లిని వీక్షించడానికి విర్చువల్ రియాలిటీ సెటప్ చేసారు. కొంత మంది సెలబ్రిటీలు ఈ విధంగా పెళ్లిని వీక్షిస్తున్నట్లు ట్వీట్స్ చేసారు. ఇక పెళ్లిలో వెంకటేష్, సమంత, నాగ చైతన్యల హంగామా మాములుగా లేనట్లు తెలుస్తోంది.
ప్రభుత్వం రూపొందించిన గైడ్ లైన్స్ ను అనుసరించే పూర్తి సురక్షిత వాతావరణంలో ఈ వేడుక జరిగింది. ఇద్దరూ ఒక్కటైనా శుభసందర్భంగా సోషల్ మీడియాలో సెలబ్రిటీలు శుభాకాంక్షలు తెలిపారు.