ఐకాన్ స్టార్ అల్లు అర్జున్ హీరోగా తెరకెక్కుతున్న చిత్రం పుష్ప. ఈ చిత్రం రెండు భాగాలుగా విడుదల కానుంది. మొదటి భాగం పుష్ప ది రైజ్ షూటింగ్ ప్రస్తుతం చివరి దశకు చేరుకుంది. ఈ చిత్ర షూటింగ్ త్వరలో పూర్తి కానుంది. అయితే ప్రస్తుతం సాంగ్ షూట్ జరుగుతోంది. దాదాపు 1000 మంది డ్యాన్సర్లతో సాంగ్ ను షూట్ చేస్తున్నారు. ఈ స్పెషల్ సాంగ్ చిత్రంలో మెయిన్ అట్రాక్షన్స్ లో ఒకటి కానుంది.
పుష్ప ది రైజ్ షూటింగ్ ను నవంబర్ థర్డ్ వీక్ కు పూర్తి చేయాలని భావిస్తున్నారు. డిసెంబర్ 17న ఈ చిత్రాన్ని విడుదల చేస్తున్నట్లు ఇప్పటికే ప్రకటించిన విషయం తెల్సిందే. దానికి తగ్గట్లుగానే సమాంతరంగా పోస్ట్ ప్రొడక్షన్ పనులు కూడా జరుగుతున్నాయి. త్వరలోనే ఈ సాంగ్ షూటింగ్ పూర్తయ్యాక ప్యాచ్ వర్క్ సన్నివేశాలతో చిత్ర షూటింగ్ ను పూర్తి చేయనున్నాడు దర్శకుడు సుకుమార్.
మలయాళ స్టార్ నటుడు ఫహద్ ఫాజిల్ ఈ చిత్రంలో విలన్ గా నటిస్తున్నాడు. బన్నీ పూర్తి ఇమేజ్ మేకోవర్ కు వెళ్లిన ఈ చిత్రం మొత్తం ఐదు భాషల్లో విడుదల కానుంది. దానికి సంబంధించిన డబ్బింగ్ పనులు కూడా మరోవైపు జరుగుతున్నాయి. రష్మిక మందన్న హీరోయిన్ గా చేస్తోన్న ఈ చిత్రాన్ని మైత్రి మూవీ మేకర్స్ సంస్థ నిర్మిస్తోంది. దేవి శ్రీ ప్రసాద్ సంగీత దర్శకుడు కాగా ఇప్పటికే విడుదలైన మూడు పాటలు మంచి రెస్పాన్స్ ను తెచ్చుకున్నాయి.
A rocking number from #PushpaTheRise is currently being shot on a grand scale with over 1000 dancers ??
This is going to be a masss feast on the Big Screen ??#PushpaTheRiseOnDec17@alluarjun @iamRashmika @aryasukku @ThisIsDSP @adityamusic @MythriOfficial pic.twitter.com/vF6RRB2XIW
— Pushpa (@PushpaMovie) November 4, 2021