Homeటాప్ స్టోరీస్ప్రతిరోజూ పండగే మూవీ రివ్యూ

ప్రతిరోజూ పండగే మూవీ రివ్యూ

ప్రతిరోజూ పండగే మూవీ రివ్యూ
ప్రతిరోజూ పండగే మూవీ రివ్యూ

మూవీ రివ్యూ: ప్రతిరోజూ పండగే
నటీనటులు: సాయి తేజ్, రాశి ఖన్నా, సత్యరాజ్, రావు రమేష్, సుహాస్ తదితరులు
దర్శకత్వం: మారుతి
నిర్మాణం: బన్నీ వాసు, అల్లు అరవింద్
సంగీతం: ఎస్ ఎస్ థమన్
విడుదల తేదీ: డిసెంబర్ 20, 2020
రేటింగ్: 3/5

ఈ ఏడాది చిత్రలహరి వంటి డీసెంట్ హిట్ తో ప్లాపుల నుండి ఊరట పొందిన తేజ్, మంచి ఎంటర్టైనింగ్ సినిమాలు తీస్తాడన్న పేరు తెచ్చుకున్న మారుతితో కలిసి ప్రతిరోజూ పండగే చేసాడు. కుటుంబ విలువలు, ప్రతిరోజూ మన జీవితం పండగలా మారాలంటే ఎలా అన్న కాన్సెప్ట్స్ తో తెరకెక్కిన ఈ చిత్రం ఈరోజే విడుదలైంది. మరి ఈ సినిమా ఎలా ఉందో ఇప్పుడు చూద్దాం.

- Advertisement -

కథ:
ఈ కథ ట్రైలర్ లో చూపించినదే. రఘురామయ్య (సత్యరాజ్) మనవళ్ళు, మనవరాళ్లు అందరూ యూఎస్, ఆస్ట్రేలియాలో సెటిల్ అయిపోతారు. ఇదిలా ఉంటే రఘురామయ్యకు లంగ్ క్యాన్సర్ ఉన్నట్లు తెలుస్తుంది. ఎక్కువ కాలం బ్రతకడని డాక్టర్లు చెబుతారు. ఈ నేపథ్యంలో తన తాతకు తీరకుండా ఉండిపోయిన కోరికలను తీర్చడానికి దిగుతాడు మన హీరో. అక్కడి నుండి కథ ఎలాంటి మలుపులు తీసుకుంది అన్నది మిగతా సినిమా.

నటీనటులు:
సాయి తేజ్ తన చలాకీ నటనతో మెప్పించాడు. సినిమా అంతటా ఎనర్జిటిక్ గా కనిపించాడు. ఎమోషనల్ సీన్లలో కూడా తేజ్ నటన ఆకట్టుకుంటుంది. రాశి ఖన్నా చూడటానికి బాగుంది. తనకు సరదాగా ఉండే పాత్ర పడింది. వందకు వంద శాతం న్యాయం చేసింది. టిక్ టాక్ స్టార్ గా ఆమె మంచి హ్యూమర్ ను పంచింది. గ్లామరస్ గానూ కనిపించింది. రావు రమేష్ ఈ సినిమాకే హైలైట్ అనదగ్గ పాత్ర చేసాడు. సినిమాలో సాయి తేజ్, సత్యరాజ్ మెయిన్ అనుకుంటాం కానీ రావు రమేష్ సెంటర్ ఆఫ్ అట్రాక్షన్ అవుతాడు. సత్యరాజ్ తన పాత్రకు జీవం పోసాడు. కుటుంబ బంధాలను కోరుకునే చరమాంకంలోని వ్యక్తిగా సత్యరాజ్ ఆకట్టుకుంటాడు. మిగిలిన వారంతా మామూలే.

సాంకేతిక వర్గం:
థమన్ తనకిచ్చిన బాధ్యతను సక్రమంగా నిర్వర్తించాడు. పాటలు అన్నీ కూడా ఆకట్టుకునేలా లానే ఉన్నాయి. బ్యాక్ గ్రౌండ్ స్కోర్ కూడా మెప్పిస్తుంది. సినిమాటోగ్రఫీ ఈ చిత్రానికి మెయిన్ హైలైట్ గా నిలిచింది. ఫ్రేమ్స్ అన్నీ కలర్ గుల్ గా ఉన్నాయి. నిర్మాణ విలువలు అదిరిపోయాయి. సంభాషణలు మెప్పిస్తాయి. ముఖ్యంగా క్లైమాక్స్ లో వచ్చే ఎమోషనల్ డైలాగులు అందరినీ ఆలోజింపచేస్తాయి. యాక్షన్ సీక్వెన్స్ లు బాగా డిజైన్ చేసారు. సాయి తేజ్ కు కంపోజ్ చేసిన డ్యాన్సులు కూడా బాగున్నాయి. స్టోరీ లైన్ సింపుల్ గా ఉన్నా ఆసక్తికరంగా ఉంది. దర్శకుడు మారుతి దాన్ని పూర్తి స్థాయిలో వినియోగించుకోలేదు అనిపిస్తుంది. హార్ట్ టచింగ్ మూమెంట్స్ మిస్ అయిన ఫీలింగ్ వస్తుంది.

విశ్లేషణ:
మారుతి అనగానే అతని సింపుల్ బట్ ఎఫెక్టివ్ ఎంటర్టైనింగ్ సినిమాలే గుర్తొస్తాయి. మొదటి హాఫ్ ను ఎంటర్టైనింగ్ వే లోనే నడిపించిన దర్శకుడు, సెకండ్ హాఫ్ లో ఒక స్టేజ్ వచ్చాక ఏం చేయాలో అర్ధం కానట్లు సినిమాను తీసుకెళ్లాడు. అటు కామెడీ వైపు వెళ్ళాలో, ఇటు సెంటిమెంటల్ గా సినిమాను ముందుకు తీసుకెళ్ళాలో తెలియక రెండిటికీ కాకుండా చేసేసాడు. ఏదేమైనా మొదటి హాఫ్ లో వచ్చే ఎంటర్టైన్మెంట్, సాంగ్స్, సెకండ్ హాఫ్ లో కొంత భాగం మెప్పిస్తాయి. మొత్తంగా ప్రతిరోజూ పండగే.. ఊహించినంత రేంజ్ లో లేకపోయినా ఒకసారి చూడవచ్చు.

YouTube video

- Advertisement -
Advertisement
Advertisement

టాప్ స్టోరీస్

View All
Advertisement

గాసిప్స్

View All