న్ర‌ముఖ డ్యాన్స్ మాప్ట‌ర్‌, డైరెక్ట‌ర్ ప్ర‌భుదేవా మ‌ళ్లీ ప్రేమ‌లో ప‌డ్డారా? .. మరోసారి పెళ్లి చేసుకోబోతున్నారా? అంటే అవున‌నే స‌మాధానం వినిపిస్తోంది. గ‌తంలో భార్య రమలతతో మ‌న‌స్ప‌ర్థ‌లతో పాటు ఓ స్టార్ హీరోయిన్ ని వివాహం చేసుకోవాల‌నుకున్నార‌ని ప్రచారం జ‌రిగింది. అందులో న‌య‌న‌తార పేరు ప్ర‌ధానంగా వినిపించింది. ఆమెతో ప్రేమాయ‌ణం కార‌ణంగా ప్ర‌భుదేవా వార్త‌ల్లో నిలిచిన విష‌యం తెలిసిందే.
ఆ త‌రువాత రమలతతో విడిపోయిన ప్ర‌భుదేవా చాలా కాలంగా ముంబైలోనే వుంటున్నారు. తాజాగా ప్ర‌భుదేవా మ‌ళ్లీ ప్రేమ‌లో ప‌డ్డార‌ని, త‌న బంధువుని ప్రేమిస్తున్నార‌ని, ఆమె కూడా ప్ర‌భుదేవాని ప్రేమిస్తున్నార‌ని వార్త‌లు మొద‌ల‌య్యాయి. వీరిద్ద‌రు త్వ‌ర‌లో వివాహం చేసుకోబోతున్నార‌ని కోలీవుడ్‌లో వార్త‌లు జోరుగా వినిపిస్తున్నాయి.
ఈ వార్త‌ల‌పై ప్ర‌భుదేవా మౌనం వ‌హిస్తున్నారు. త‌న పెళ్లి వార్త‌ల్ని ఖండించ‌డం లేదు. దీంతో కోలీవుడ్‌లో ఈ వార్త ప్ర‌ధానంగా వైర‌ల్ అవుతోంది. స‌ల్మాన్‌ఖాన్‌తో గ‌త ఏడాది `ద‌బాంగ్ 3`ని అందించి విజ‌యాన్ని సొంతం చేసుకున్న ప్ర‌భుదేవా ప్ర‌స్తుతం స‌ల్మాన్‌తో `రాధే` చిత్రాన్ని తెర‌కెక్కిస్తున్నారు.