నేను పుట్టి పెరిగింది చెన్నై లోనే దాంతో చెన్నైతో నాకు తిరుగులేని అనుబంధం ఉంది దాంతో నేరుగా తమిళ సినిమాలో నటించాలని నాకు ఎప్పటి నుండో ఉంది , నేను కూడా చాలా ఈగర్ గా వెయిట్ చేస్తున్నా తమిళ సినిమా కోసం అంటూ తన మనసులోని మాటని బయటపెట్టాడు యంగ్ రెబల్ స్టార్ ప్రభాస్ . సాహో ఆగస్టు 30 న విడుదల అవుతున్న నేపథ్యంలో నిన్న చెన్నై లో సాహో టీమ్ మీడియాతో సమావేశమైంది .
ఆ సందర్బంగా మాట్లాడిన ప్రభాస్ తన మనసు లోని మాటని వెల్లడించాడు . సాహో చిత్రాన్ని కూడా తమిళ్ లో చిత్రీకరించారు కానీ ఇది మల్టీ లాంగ్వేజ్ సినిమా కాబట్టి నేరుగా తమిళంలో సినిమా చేయాలనే ఆలోచనలో ఉన్నాడు ప్రభాస్ . తమిళ మీడియా ముందు ఓపెన్ అయ్యాడు కాబట్టి కొంతమంది దర్శక నిర్మాతలు ప్రభాస్ తో సినిమా ప్లాన్ చేయాలనే ఆలోచన చేయడం ఖాయం .
- Advertisement -