రెబెల్ స్టార్ ప్రభాస్ ప్రస్తుతం మల్టీపుల్ ప్రాజెక్ట్స్ తో బిజీగా ఉన్నాడు. ఇవన్నీ కూడా ప్యాన్ ఇండియా ప్రాజెక్ట్స్ కావడం విశేషం. అందులో రామాయణం ఆధారంగా తెరకెక్కుతోన్న ఆది పురుష్ చిత్రం కూడా ఒకటి. ఈ సినిమాను 11 ఆగస్ట్ 2022న విడుదల చేయనున్నట్లు గతేడాదే ప్రకటించారు. మధ్యలో కరోనా కారణంగా కొంత ఎఫెక్ట్ అవ్వడంతో సినిమా విడుదలలో ఏమైనా జాప్యం ఉంటుందేమోనని అందరూ అనుకున్నారు.
అయితే మహారాష్ట్రలో తిరిగి థియేటర్స్ తెరుచుకుంటుండడంతో బాలీవుడ్ ప్రముఖ సినిమాలు అన్నీ విడుదల తేదీలను ప్రకటిస్తున్నాయి. మొత్తంగా ఇప్పటికే దాదాపు 16 హిందీ సినిమాలు విడుదల తేదీలు ఖరారయ్యాయి. ఈ నేపథ్యంలో మరోసారి ఆది పురుష్ రిలీజ్ డేట్ ను కన్ఫర్మ్ చేసారు. ముందుగా అనుకున్న ఆగస్ట్ 11, 2022నే ఈ భారీ చిత్రం విడుదల కానుంది. ఈ సినిమా ఇప్పుడు అక్షయ్ కుమార్ హీరోగా తెరకెక్కుతోన్న రక్షా బంధన్ చిత్రంతో డైరెక్ట్ క్లాష్ అవుతోంది. అదే రోజున రక్షా బంధన్ విడుదల తేదీని ప్రకటించారు.
ఓం రౌత్ డైరెక్ట్ చేస్తోన్న ఆది పురుష్ లో సన్నీ సింగ్ లక్ష్మణుడి పాత్ర పోషిస్తున్నాడు. కృతి సనన్ సీతగా నటిస్తోన్న విషయం తెల్సిందే.
PRABHAS: ‘ADIPURUSH’ LOCKS 11 AUG 2022… #Adipurush [#3D] #Prabhas #SaifAliKhan #KritiSanon #SunnySingh #IndependenceDay weekend #Hindi #Telugu #Tamil #Kannada #Malayalam pic.twitter.com/bz6hSms6N7
— taran adarsh (@taran_adarsh) September 27, 2021