యంగ్ టైగర్ ఎన్టీఆర్ ప్రస్తుతం ఎవరు మీలో కోటీశ్వరులు షో షూటింగ్ లో పాల్గొంటున్న విషయం తెల్సిందే. మరో వారం రోజుల పాటు ఈ షో లో పాల్గొని, తిరిగి ఆర్ ఆర్ ఆర్ బ్యాలన్స్ పార్ట్ షూటింగ్ లో బిజీ అవ్వనున్నాడు ఎన్టీఆర్. ఆ తర్వాత సెప్టెంబర్ నుండి ఎన్టీఆర్ తన నెక్స్ట్ చిత్రాన్ని మొదలుపెట్టాలని ప్లాన్ చేసుకున్నాడు.
ఎన్టీఆర్, కొరటాల శివతో తన నెక్స్ట్ సినిమా ఉంటుందని ఇప్పటికే ప్రకటించిన విషయం తెల్సిందే. ఈ కమర్షియల్ ఎంటర్టైనర్ లో హీరోయిన్ విషయంలో ఒక క్లారిటీ వచ్చినట్లే ఉంది. ముందుగా కియారా అద్వానీ ఈ చిత్రంలో హీరోయిన్ గా చేస్తుందని అనుకున్నారు కానీ ఇప్పుడు ఆ అవకాశం పూజ హెగ్డేకు దక్కింది.
ఎన్టీఆర్, పూజ కలిసి అరవింద సమేతలో నటించిన విషయం తెల్సిందే. మరోసారి వీరు కలిసి పనిచేయనున్నారు. సెప్టెంబర్ లో షూటింగ్ మొదలుపెట్టి వచ్చే ఏడాది ఈ సినిమాను విడుదల చేయాలని ప్లాన్ చేసారు.