పూజ హెగ్డే.. నార్త్ భామ అయినా కూడా తెలుగు చిత్రాలతో బాగానే పాపులారిటీ సంపాదించుకుంది. కెరీర్ మొదట్లో వరసగా ముకుంద, ఒక లైలా కోసం సినిమాల్లో నటించిన పూజ, తర్వాత తెలుగు వారికి అందుబాటులోకి రాలేదు. దాదాపు ఏడాదిన్నర పాటు బాలీవుడ్ చిత్రం మోహ్ఎంజొదారో చేయడానికి ఫిక్స్ అయింది. ఆ చిత్రం చేసేటప్పుడు వేరే ఏ సినిమా చేయకూడదన్న నిబంధన ఉండడంతో మరో సినిమాకు సైన్ చేయలేదు. అయితే ఆ సినిమా అట్టర్ ప్లాప్ అవ్వడంతో పూజ హెగ్డే కెరీర్ మళ్ళీ వెనక్కి వెళ్ళినట్లయింది. అయితే మళ్ళీ తెలుగునే నమ్ముకున్న పూజ ఇక్కడ సక్సెస్ ను అందుకుంది. అల్లు అర్జున్ తో చేసిన డీజే ఆమె కెరీర్ ను మలుపుతిప్పింది. అంతకుముందు తెలుగులో పద్ధతైన పాత్రల్లోనే పూజ కనిపించింది. అయితే డీజేతో తనలోని గ్లామరసాన్ని పండించింది. దాంతో దర్శక నిర్మాతలు ఆమె డేట్స్ కోసం క్యూ కట్టారు. ఈ నేపథ్యంలోనే ఎన్టీఆర్ సరసన అరవింద సమేతలో ఛాన్స్ వచ్చింది. అలాగే సూపర్ స్టార్ మహేష్ బాబుతో మహర్షి చేసే అవకాశాన్నీ అందుకుంది. ఈ రెండు సినిమాలూ సూపర్ హిట్టే. దీంతో టాలీవుడ్ లో పూజ హెగ్డే పేరు మార్మోగిపోయింది.
ప్రస్తుతం మరోసారి అల్లు అర్జున్ సరసన అల వైకుంఠపురములో సినిమా చేస్తున్న పూజ, త్వరలోనే ఈ షూటింగ్ ను ముగించుకోనుంది. మధ్యలో బాలీవుడ్ ను కూడా ఒకసారి పలకరించేసి అక్కడ హౌస్ ఫుల్ 4 చేసేసింది. దానివల్ల అమ్మడికి పెద్దగా ఒరిగిందేమి లేదు లెండి. ఇక పూజ హెగ్డే చేతిలో ఉన్నది ఒకే ఒక్క చిత్రం అదే రెబెల్ స్టార్ ప్రభాస్ సరసన చేస్తున్న జాన్. జిల్ ఫేమ్ రాధా కృష్ణ కుమార్ దర్శకత్వంలో తెరకెక్కుతున్న ఈ చిత్రం యూరోప్ నేపథ్యంలో సాగే ఒక అందమైన పీరియాడిక్ ప్రేమ కథగా తెలుస్తోంది. ఇప్పటికే ఒక షెడ్యూల్ పూర్తవ్వగా, సాహో ఇచ్చిన షాక్ తో అన్ని షెడ్యూల్స్ ను వాయిదా వేసేసారు. త్వరలోనే ఈ సినిమా షూటింగ్ తిరిగిమొదలుకానుంది.
అయితే పూజ హెగ్డే ఇటీవలే ఒక ఇంటర్వ్యూలో ప్రభాస్ గురించి మాట్లాడుతూ అతణ్ణి ఆకాశానికెత్తేసింది. ప్రభాస్ ఇప్పుడు ఎంత మాత్రం రీజినల్ స్టార్ కాదని, నేషనల్ స్టార్ రేంజ్ కూడా దాటిందని, ప్రభాస్ ఇప్పుడు ఒక ఇంటర్నేషనల్ స్టార్ అని చెప్పుకొచ్చింది పూజ. నేను యూఎస్ కు వెళ్ళినప్పుడు అక్కడి జనాలకు ప్రభాస్ సినిమాలో నటిస్తున్నా అని చెప్పగానే మీరు ప్రభాస్ ల్యాండ్ నుండి వస్తున్నారా అని అడిగారు. ఈ రేంజ్ క్రేజ్ నేను ఎక్కడా చూడలేదు. బాహుబలి తర్వాత నార్త్ లో ప్రభాస్ అంటే విపరీతమైన ఫాలోయింగ్ వచ్చేసింది. సాహో కూడా నార్త్ జనాలు కథతో సంబంధం లేకుండా కేవలం ప్రభాస్ ను చూడడానికే వెళ్లారు. అలా బాలీవుడ్ లో కేవలం సల్మాన్ ఖాన్ సినిమాలకు మాత్రమే చేస్తారు. ఇప్పుడు ఆ స్థాయి ప్రభాస్ కు వచ్చేసింది అంటోంది పూజ. ఇక జాన్ గురించి మాట్లాడుతూ ఇదొక అందమైన ప్రేమ కథ అని, వచ్చే ఏడాది విడుదలవుతుందని చెప్పుకొచ్చింది.
#Prabhas – Crowd Puller ? pic.twitter.com/stSGoDIxeD
— ᴘsʏᴄʜᴏᴛɪᴄ ʀᴇʙᴇʟ ғᴀɴ (@Im_vegee_) November 25, 2019
Credit: Twitter