గీత గోవిందం తో బ్లాక్ బస్టర్ హిట్ అందుకున్న పరుశురాం చాల గ్యాప్ తర్వాత మహేష్ తో సర్కారు వారి పాట మూవీ చేసాడు. మే 12 న ప్రేక్షకుల ముందుకు రాబోతుంది. ఇప్పటికే విడుదలైన పాటలు , టీజర్ , స్టిల్స్ సినిమా ఫై అంచనాలు పెంచేసాయి. ఇక ఈ మూవీ తర్వాత ఏ హీరో తో పరుశురాం సినిమా చేస్తాడని అంత మాట్లాడుకోవడం మొదలుపెట్టారు. అయితే పరుశురాం నెక్స్ట్ నాగ చైతన్య తో సినిమా చేయనున్నాడు.
నిజానికి ఈ ప్రాజెక్ట్ చాలా కాలం కిందటిదే. చైతూ-పరుశురామ్ కలిసి సినిమా చేయాలని అనుకున్నారు. కానీ అది అలా వాయిదా పడుతూ వచ్చింది. ఈ లోగా మహేష్ తో సినిమా ఫిక్స్ అయింది. అందుకే ఈ సినిమా తరువాత చైతన్యతో సినిమా వుంటుందని తెలుస్తోంది. 14 రీల్స్ బ్యానర్ ఆ సినిమాను నిర్మిస్తుంది. ఇది కూడా గతంలో ఫిక్స్ అయినదే. ప్రస్తుతం సర్కారు వారి పాట సినిమా నిర్మాణంలో కూడా 14 రీల్స్ భాగస్వామిగా వుంది. పరుశురామ్ తరువాత సినిమా పూర్తిగా ఆ బ్యానర్ నే నిర్మిస్తుంది. ఇక చైతు కూడా ప్రస్తుతం సినిమాలు , వెబ్ సిరీస్ తో బిజీ గా ఉన్నాడు.