ఇటీవల `చెక్` మూవీ ఫ్లాప్తో కొంత నిరుత్సాహానికి గురయ్యారు హీరో నితిన్. అయితే ఈ శుక్రవారం విడుదలైన `రంగ్ దే` సక్సెస్తో మళ్లీ ట్రాక్లోకి వచ్చేశారాయన. వరల్డ్ వైడ్గా ఈ మూవీ ఆశించిన స్థాయికి మించి వసూళ్లని రాబడుతోంది. గడిచిన మూడు రోజుల్లో ఈ మూవీ వరల్డ్ వైడ్గా 12 కోట్లకు మించి షేర్ని సాధించి నిర్మాతకు లాభాల్ని తెచ్చిపెడుతోంది. ఈ మూవీ సక్సెస్ ఆనందంలో వున్న హీరో నితిన్ వెంటనే తన తదుపరి చిత్ర షూటింగ్లో నిమగ్నమయ్యారు.
ఈ మూవీ తరువాత హీరో నితిన్ బాలీవుడ్ హిట్ ఫిల్మ్ `అంధాధున్` రీమేక్లో నటిస్తున్న విషయం తెలిసిందే. తమన్నా కీలక పాత్రలో నటిస్తున్న ఈ చిత్రంలో నితిన్కు జోడీగా ఇస్మార్ట్ బ్యూటీ నభా నటేష్ నటిస్తోంది. శ్రేష్ట్ మూవీస్ బ్యానర్పై నితిన్ ఫాదర్ ఎన్. సుధాకర్రెడ్డి, సిస్టర్ నిఖితా రెడ్డి సంయుక్తంగా ఈ చిత్రాన్ని నిర్మిస్తున్నారు. మేర్లపాక గాంధీ దర్శకత్వం వహిస్తున్నారు.
చిత్రీకరణ దశలో వున్న ఈ మూవీ ప్రీలుక్ పోస్టర్ని మేకర్స్ సోమవారం రిలీజ్ చేశారు. నితిన్ పుట్టిన రోజు మంగళవారం కావడంతో ఆ రోజు 12 గంటలకు ఈ మూవీ టైటిల్తో పాటు ఫస్ట్ లుక్ పోస్ట్ర్ని రిలీజ్ చేయనున్నట్టు చిత్ర బృందం ప్రకటించింది. ఈ చిత్రంలో నితిన్ అంధుడిగా కనిపించబోతున్నారు. ఈ చిత్రంలో తమన్నా గత చిత్రాలకు పూర్తి భిన్నంగా మరింత బోల్డ్ పాత్రలో కనిపించబోతోంది. ఇదిలా వుంటే ప్రీ లుక్ని రిలీజ్ చేసిన మేకర్స్ ఈ చిత్రానికి ఏ టైటిల్ని ప్రకటించబోతున్నారన్నది ప్రస్తుతం ఆసక్తికరంగా మారింది.
Many Keys & Opening the right one Tomorrow!
Youth Star @actor_nithiin coming with #Nithiin30 Title & First Look????????????
Tomorrow @ 12AM!????
Keep the Reminder ON!@tamannaahspeaks @NabhaNatesh @MerlapakaG #SudhakarReddy #NikithaReddy #RajKumarAkella @mahathi_sagar @SreshthMovies pic.twitter.com/wUHVHpDfJy— Sreshth Movies (@SreshthMovies) March 29, 2021