యంగ్ హీరో నితిన్ ప్రస్తుతం వ‌రుస చిత్రాల్లో న‌టిస్తూ య‌మ బిజీగా వున్నారు. తను న‌టిస్తున్న రెండు చిత్రాల `రంగ్ దే`, చెక్ చిత్రీక‌ర‌ణ పూర్తి చేసుకుని పోస్ట్ ప్రొడక్షన్ కార్య‌క్ర‌మాలు జ‌రుపుకుంటున్నాయి. ఈ రెండు సినిమాలు త్వరలో థియేటర్లలో గ్రాండ్ గా రిలీజ్ కి సిద్ధ‌మ‌వుతున్నాయి. ఇదిలా వుంటే బాలీవుడ్ హిట్ చిత్రం `అంధాధున్` రీమేక్ చిత్రం షూటింగ్ ని నితిన్ ఇటీవ‌లే ప్రారంభించాడు.
దీనితో పాటు నితిన్ `పవర్ పేట` అనే పీరియడ్ డ్రామాలోనూ న‌టిస్తున్న విష‌యం తెలిసిందే. కృష్ణ‌చైత‌న్య ఈ చిత్రానికి ద‌ర్శ‌క‌త్వం వ‌హించ‌బోతున్నారు. చాలా కాలంగా రెగ్యులర్ షూటింగ్ వాయిదాప‌డుతూ వ‌స్తున్న ఈ మూవీని ప్రారంభించాలని నితిన్ ప్లాన్ చేస్తున్నాడు. ఇందులో నితిన్ 60 ఏళ్ల రాజకీయ నాయకుడిగా క‌నిపించ‌నున్నాడ‌ని తెలుస్తోంది. స‌రికొత్త కథతో ఏలూరు స‌మీపంలోని కొల్లేరు నేపథ్యంలో సెట్ చేయబడిన ఈ చిత్రంలో స‌రికొత్త గెటప్ లో ప‌వ‌ర్‌ఫుల్ పొలిటిక‌ల్ లీడ‌ర్‌గా నితిన్ క‌నిపిస్తార‌ట.
దీనికి సంబంధించిన ఫోటోషూట్ ఇటీవ‌లే పూర్త‌యింది. నితిన్ ఓల్డ్ మాన్ గెటప్ లో మేక‌ప్ టెస్ట్ ని పూర్తి చేశార‌ట. త్వ‌ర‌లోనే రెగ్యులర్ షూటింగ్ ప్రారంభం కానున్న ఈ చిత్రానికి సంబంధించిన మొదటి షెడ్యూల్‌లో ఓల్డ్‌మెన్ గెటప్‌కు సంబంధించిన పోర్ష‌న్ ను పూర్తి చేయాలనుకుంటున్నారు. ఈ సినిమాకు సంబంధించిన ఫ‌స్ట్‌లుక్‌ని త్వ‌ర‌లోనే రిలీజ్ చేయ‌బోతున్నారు.