యంగ్ హీరో నితిన్ తన బ్రహ్మచర్యానికి మంగళం పాడేశాడు. గత 8 ఏళ్లుగా ప్రేమిస్తున్న షాలినితో నితిన్ ఎంగేజ్మెంట్ శనివారం హైదరాబాద్లో అట్టహాసంగా జరిగింది. పసుపు కొట్టే కార్యక్రమంతో పెళ్లి హంగామాని మొదలుపెట్టేశారు. నితిన్ ఎంబీఏ స్టూడెంట్ షాలిని ప్రేమిస్తున్నాడని, త్వరలోనే వీరిద్దరు పెళ్లి చేసుకోబోతున్నారంటూ వరుస కథనాలు వినిపించిన విషయం తెలిసిందే. ఈ కథనాలపై స్పందించని నితిన్ సైలెంట్ గా తన పని తాను చేసుకుపోయాడు.
తనపెళ్లిపై ఎన్ని వార్తలు ప్రచారంలో వున్నా వాటిని లైట్ తీసుకున్న నితిన్ గత ఏడాది ఓ ఇంటర్వ్యూలోనే 2020లో వివాహం చేసుకోబోతున్నట్టు హింట్ ఇచ్చేశాడు. అన్నట్టుగానే పెళ్లివార్తని తాజాగా బయటపెట్టడంతో వరుస ఊహాగానాలకు తెరపడింది. గత ఎనిమిదేళ్లుగా తన ఫ్యామిలీ ఫ్రెండ్ షాలినితో నితిన్ ప్రేమలో వున్నారు. ఇరు కుటుంబాల పెద్దలు వీరి పెళ్లికి గ్రీన్సిగ్నల్ ఇవ్వడంతో ఈ శనివారం గ్రాండ్గా నితిన్- షాలినిల ఎంగేజ్మెంట్ జరిగింది.
ఈ కార్యక్రమంలో నితిన్, షాలినికి సంబంధించిన ఇరు కుటుంబాల వాళ్లు మాత్రమే పాల్గొన్నట్టు తెలిసింది. ఏప్రిల్ 16న దుబాయ్లో అత్యంత వైభవంగా డెస్టినేషన్ వెడ్డింగ్ తరహాలో వీరి వివాహం జరగనుంది. ఇరు కుటుంబాలకు చెందిన వాళ్లతో పాటు అత్యంత సన్నిహితులు, సినీ సెలబ్రిటీస్ మాత్రమే ఈ వెడ్డింగ్లో పాల్గొననున్నారని తెలిసింది. తన వెడ్డింగ్ పనులు పసుపు కొట్టే కార్యక్రమంలో మొదలయ్యాయని హీరో నితిన్ ట్విట్టర్ ద్వారా వెల్లడించాడు.
Pelli panulu started..
Mussssikk startttts ❤️❤️❤️
Need ur blessings…?? pic.twitter.com/bQ3zXUO7s6— nithiin (@actor_nithiin) February 15, 2020
Credit: Twitter