టాలీవుడ్ నయా సూపర్ స్టార్ విజయ్ దేవరకొండ తమ్ముడ్ని టార్గెట్ చేసారు కొంతమంది దాంతో నిన్న ఆనంద్ దేవరకొండ నటించిన దొరసాని చిత్ర టీజర్ విడుదల అవ్వడమే ఆలస్యం సోషల్ మీడియాలో ఆనంద్ దేవరకొండ పై పెద్ద ఎత్తున ట్రోల్ జరుగుతోంది . కేవీఆర్ మహేంద్ర దర్శకత్వంలో మధుర శ్రీధర్ – యష్ రంగినేని సంయుక్తంగా నిర్మించిన దొరసాని చిత్రానికి సురేష్ ప్రొడక్షన్స్ అధినేత సురేష్ బాబు సమర్పకులుగా వ్యవహరిస్తున్నారు .
అయితే నిన్న దొరసాని చిత్ర టీజర్ విడుదల చేసారు . రాజశేఖర్ – జీవిత ల కూతురు శివాత్మిక హీరోయిన్ గా పరిచయం అవుతున్న ఈ చిత్రంలో విజయ్ దేవరకొండ తమ్ముడు ఆనంద్ దేవరకొండ హీరోగా పరిచయం అవుతున్నాడు . అయితే శివాత్మిక కు ప్రశంసలు దక్కుతుండగా ఆనంద్ దేవరకొండ కు మాత్రం పెద్ద ఎత్తున విమర్శలు వస్తున్నాయి నటన పరంగా లుక్స్ పరంగా . టీజర్ తోనే ఇన్ని విమర్శలు వస్తే ఇక సినిమాతో ఎన్ని విమర్శలు వస్తాయో మరి . ఈ హీరో అన్న విజయ్ దేవరకొండ లాగా హిట్ అవుతాడా ? లేక చతికిల బడతాడా ? వచ్చే నెలలో తెలిసిపోనుంది .