శ్యామ్ సింగ రాయ్ మూవీ తో సూపర్ హిట్ అందుకున్న నేచురల్ స్టార్ నాని..త్వరలో అంటే సుందరానికి మూవీ తో ప్రేక్షకుల ముందుకు రాబోతున్నాడు. వివేక్ ఆత్రేయ డైరెక్షన్లో తెరకెక్కిన ఈ మూవీ లో మలయాళ నటి నజ్రియా నజీమ్ హీరోయిన్ గా నటించింది.మైత్రీ మూవీ మేకర్స్ సంస్థ నిర్మిస్తున్న ఈ మూవీ చిత్రీకరణ పూర్తి చేసుకుని ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటోంది. ఈ చిత్రాన్ని మే 6న రిలీజ్ చేయబోతున్నట్టుగా వార్తలు వినిపిస్తున్నాయి. ఈ మూవీ షూటింగ్ పూర్తి కావడం తో వెంటనే మరో చిత్రానికి శ్రీకారం చుట్టాడు నాని.
శ్రీ లక్ష్మీ వెంకటేశ్వర సినిమాస్ బ్యానర్ పై సుధాకర్ చెరుకూరి నిర్మిస్తున్న ‘దసరా’ మూవీ లో నటిస్తున్నాడు. శ్రీకాంత్ ఓదెల దర్శకుడిగా పరిచయం అవుతున్నారు. ఇటీవలే ఈ మూవీ ఓపెనింగ్ కార్య క్రమాలు పూర్తి చేసుకుంది.
రెగ్యులర్ షూటింగ్ మార్చి నుంచి ప్రారంభం కానుంది. ఈ మూవీ కోసం నాని తన లుక్ ను మార్చుకునే పనిలో ఉన్నాడు. తాజాగా బయటకు వచ్చిన నాని లేటెస్ట్ స్టిల్ చూస్తుంటే ఈ మూవీ లో నాని గడ్డం తో కనిపించబోతున్నట్లు అర్ధమవుతుంది. కీర్తి సురేష్ హీరోయిన్ గా నటిస్తున్న ఈ మూవీ తెలంగాణ నేపథ్యంలో సాగనుంది. ఇందులో హీరో నాని తెలంగాణ యువకుడిగా కనిపించనున్నారు.