`నాంది` ట్రైల‌ర్ టాక్‌: అండ‌ర్ ట్రైల్ ఖైదీ వ్య‌థ‌‌!

అల్ల‌రి న‌రేష్ హాస్య ప్ర‌ధాన చిత్రాల్లో న‌టిస్తూ మంచి గుర్తింపుని ద‌క్కించుకున్నారు. అప్పుడ‌ప్పుడు త‌న పంథాకు భిన్నంగా ప్ర‌యోగాలు చేస్తున్నారు. నేను, ప్రాణం చిత్రాలు అలా చేసిన‌వే. తాజాగా అదే త‌ర‌హాలో మ‌ళ్లీ పంథా మార్చి న‌రేష్ చేస్తున్న చిత్రం `నాంది`. విజ‌య్ క‌న‌‌క‌మేడ‌ల ద‌ర్శ‌క‌త్వం వ‌హిస్తున్నారు. వేగేశ్న స‌తీష్ నిర్మాత‌. న‌వ‌మి హీరోయిన్‌గా ప‌రిచ‌యం అవుతోంది.

అల్ల‌రి న‌రేష్ స‌రికొత్త పాత్ర‌లో న‌టించిన ఈ చిత్రాన్ని ఈ నెల 19న థియేట‌ర్ల‌లో విడుద‌ల చేస్తున్నారు. అండ‌ర్ ట్రైల్ ఖైదీ వ్య‌థ‌గా రూపొందిన ఈ చిత్ర ట్రైల‌ర్‌ని సూప‌ర్‌స్టార్ మ‌హేష్ శని‌వారం ట్విట్ట‌ర్ వేదిక‌గా విడుద‌ల చేశారు. ఈ సంద‌ర్భంగా టీమ్‌ని అభినందించారు. “నాంది` ట్రైల‌ర్ రిలీజ్ చేయ‌డం ఆనందంగా వుంది. చాలా ఇంటెన్స్‌గా వుంది. న‌రేష్‌కు, చిత్ర బృందానికి ఈ మూవీతో బ్లాక్ బ‌స్ట‌ర్ స‌క్సెస్ ల‌భించాల‌ని` అన్నారు.
`
`రాజ‌గోపాల్ గారిని నేను మ‌ర్ద‌ర్ చేయ‌డం ఏంటి స‌ర్. ఇప్ప‌టి వ‌ర‌కు రాజ‌గోపాల్ గారి గురించి విన‌టం త‌ప్ప ఆయ‌న గురించి నాకేమి తెలియ‌దు స‌ర్‌` అంటూ అల్ల‌రి న‌రేష్ చెబుతున్న డైలాగ్‌తో ట్రైల‌ర్ మొద‌లైంది. వీడు మాట‌ల్తో విన‌డు రెడ్డీ.. మా అబ్బాయికీ ఈ హ‌త్య‌కూ ఎలాంటి సంబంధం లేదు..ఐదేళ్లుగా జైల్లో మగ్గిపోతున్న సూర్య‌ప్ర‌కాష్‌కి న్యాయం జ‌రుగుతుందా?. అంటే టీవీల్లో బ్రేకింగ్స్‌.. చెయ్య‌ని త‌ప్పుకి నా క్లైంట్ సూర్య‌ప్ర‌కాష్ అండ‌ర్ ట్రైల్ ఖైదీగా శిక్ష అనుభ‌విస్తున్నాడు` అంటూ న‌రేష్ త‌రుపున వాదించే లాయ‌ర్‌గా వ‌ర‌ల‌క్ష్మీ శ‌ర‌త్‌కుమార్ క‌నిపిస్తోంది. న‌రేష్ చిత్రాల్లో విభిన్న‌మైన సినిమాగా ఈ మూవీ వుండ‌బోతోంద‌ని ట్రైల‌ర్ చెబుతోంది.

Happy to unveil the trailer of #Naandhi!! Looks intense… Wishing @allarinaresh and the entire team a blockbuster success. ?@vijaykkrishna @varusarath5 @SV2Enthttps://t.co/0NI8Aa51Hk

— Mahesh Babu (@urstrulyMahesh) February 6, 2021