ఎన్టీఆర్ బయోపిక్ ఆడియో వేడుక నిన్న హైదరాబాద్ లో అంగరంగ వైభవంగా జరిగిన విషయం తెలిసిందే . కాగా ఆ వేడుకలో మోహన్ బాబు కూడా పాల్గొన్నాడు . మోహన్ బాబు ఉన్నాడంటే ఏదో ఒక సెటైర్ వేయడం కామన్ అయితే బాలయ్య ముందుగానే మోహన్ బాబు ని హెచ్చరించాడట ఈ వేడుకలో ఎలాంటి వివాదాస్పద వ్యాఖ్యలు చేయొద్దని , అయినప్పటికీ మోహన్ బాబు మాత్రం పూర్తిగా తనని తాను తమాయించుకోలేక పోయాడు . బాలయ్య నా నోరు నొక్కేసాడు అని అంటూనే ఈ బయోపిక్ లో పూర్తి వాస్తవాలు లేవనుకుంటా ఎందుకంటే కొంతమందిని మంచి వ్యక్తులుగా చూపించారు అంటూ పరోక్షంగా చంద్రబాబు ఊసేత్తారు మోహన్ బాబు . ఎన్టీఆర్ బయోపిక్ లో చంద్రబాబు నాయుడు పాత్రని దగ్గుబాటి రానా పోషించిన విషయం తెలిసిందే .
అవునన్నా , కాదన్నా 1995 లో ఎన్టీఆర్ ని ముఖ్యమంత్రి పదవి నుండి దించింది చంద్రబాబు నాయుడు , అయితే చంద్రబాబు నాయుడుకి అప్పట్లో అండగా నిలిచింది హరికృష్ణ , బాలకృష్ణ , దగ్గుబాటి వెంకటేశ్వర్ రావు అలాగే మోహన్ బాబు కూడా . కానీ చంద్రబాబు అధికారం చేపట్టాకా మెల్లి మెల్లిగా దగ్గుబాటి , హరికృష్ణ , మోహన్ బాబు ఇలా చాలామంది దూరం అయ్యారు . వాళ్లంతా చంద్రబాబు పై ఆగ్రహంగా ఉన్నారు కూడా . ఇక మోహన్ బాబు కైతే చంద్రబాబు పై ఇంకా కోపం ఉంది .
English Title: Mohan babu Controversial comments on NTR biopic