Sunday, August 14, 2022
Homeటాప్ స్టోరీస్బాలయ్య మీద ట్రోలింగ్ మాములుగా నడవట్లేదుగా

బాలయ్య మీద ట్రోలింగ్ మాములుగా నడవట్లేదుగా

Balakrishna Ruler Movie Poster
Balakrishna Ruler Movie Poster

నందమూరి బాలకృష్ణ.. ఒకప్పుడు టాప్ హీరో, ఒకానొక దశలో టాలీవుడ్ లో టాప్ ప్లేస్ కి చిరంజీవికి గట్టి పోటీ ఇచ్చాడు. అప్పట్లో చిరంజీవి, బాలకృష్ణ ఫ్యాన్స్ మధ్య వాదనలు యుద్ధాల రేంజ్ లో జరిగేవి. అయితే అదంతా గతం. బాలకృష్ణ ఇప్పుడు టాప్ హీరోకి అసలు రేసులో లేడు. హిట్ అయితే కలెక్షన్స్ బానే వస్తాయి కానీ ప్లాప్ అయితే మాత్రం ఆ సినిమా డిజాస్టర్లలో రికార్డు సృష్టించేలా ఉంటుంది. ఇవన్నీ పక్కనపెడితే బాలకృష్ణ మీద మీమ్స్ గత రెండేళ్లలో ఓ రేంజ్ లో నడుస్తుండడం అందరికీ తెలిసిన విషయమే.

- Advertisement -

బాలకృష్ణ ఏం చేసినా ట్రోల్ పేజీలు నడిపేవారికి పండగే. దాని మీద ఒక మీమ్ చేసుకుని బ్రతికేస్తారు. దానికి తగ్గట్లే బాలకృష్ణ కొన్ని సందర్భాల్లో ప్రవర్తించడం జరుగుతుంది. ఆ మధ్య వరసగా ఇద్దరు, ముగ్గురు అభిమానులను కొడుతూ కెమెరాలకు చిక్కిన బాలయ్యను ట్రోల్ పేజీలు ఓ రేంజ్ లో టార్గెట్ చేసాయి. బాలయ్య మీద మీమ్ వేస్తె రీచ్ ఎక్కువ ఉండడంతో ట్రోల్ పేజీలు మరింత రెచ్చిపోయాయి. గత కొన్నేళ్లుగా ఈ వ్యవహారం బాగా నడుస్తోంది.

ఇదిలా ఉంటే నందమూరి బాలకృష్ణ నటిస్తున్న 105వ చిత్రానికి రూలర్ అన్న టైటిల్ ను కన్ఫర్మ్ చేసారు. దీపావళి సందర్భంగా నిన్న ఈ చిత్రానికి సంబంధించిన మోషన్ పోస్టర్ ను, బాలయ్య లుక్ ను రివీల్ చేసారు. ఈ పోస్టర్ లో బాలకృష్ణ పోలీస్ యూనిఫామ్ లో ఆయుధాన్ని పట్టుకుని కనిపించాడు. నిజాయితీగా మాట్లాడుకుంటే ఇందులో బాలయ్య లుక్ కాస్త వెరైటీగా ఉండనే చెప్పాలి. హెయిర్ స్టైల్ బొత్తిగా సెట్ అవ్వలేదు. బాలయ్య నిలబడిన విధానం కూడా సాధారణంగా లేదు. ఇక ట్రోల్ పేజీలు పండగ చేసుకోవడం మొదలుపెట్టారు. నిన్న సాయంత్రం నుండి ట్రోల్ పేజీలపై నడిచిన మీమ్స్ హవా మాములుగా లేదు. పోస్టర్ మీమ్స్, వీడియో మీమ్స్ అంటూ ట్రోల్ పేజీలు రెచ్చిపోతున్నాయి. దీనికి భారీ సంఖ్యలో షేర్స్ కూడా వస్తున్నాయి.

ఇదనే కాదు ఇంతకు ముందు బాలకృష్ణ లుక్ లీకైనప్పుడు కూడా ట్రోల్స్ నడిచాయి. ఐరన్ మ్యాన్ లుక్ లో బాలకృష్ణ భలేగా కనిపించాడు ట్రోల్ పేజీలకు. దసరా కానుకగా విడుదల చేసిన బాలయ్య లుక్ పై కూడా ట్రోల్స్ నడిచాయి. ఇందులో బాలకృష్ణ రంగు రంగుల మధ్య కత్తి పట్టుకుని కనిపించాడు. ఈ లుక్ ను కూడా వదల్లేదు. ఈ రకంగా బాలయ్య ఏం చేసినా ట్రోల్స్ చేసుకుని బతికేవాళ్లకు బాలకృష్ణ ఆక్సిజన్ లా కనిపిస్తున్నాడు. మరి ఇది ఎప్పుడు ఆగుతుంది అన్నది ఎవరూ చెప్పలేరు.

ప్రస్తుతం బాలకృష్ణ చేస్తున్న రూలర్ చిత్రాన్ని కెఎస్ రవికుమార్ తెరకెక్కిస్తుండగా సోనాల్ చౌహన్, వేదిక హీరోయిన్లుగా నటిస్తున్నారు. ఈ చిత్రంలో భూమిక ఒక కీలక పాత్రలో కనిపించనున్న సంగతి తెల్సిందే. సి కళ్యాణ్ నిర్మాత. చిరంతన్ భట్ సంగీతాన్ని అందిస్తున్నాడు.

Advertisement
Advertisement

టాప్ స్టోరీస్

View All

గాసిప్స్

View All

Latest Posts