నందమూరి బాలకృష్ణ ప్రస్తుతం బోయపాటి శ్రీను దర్శకత్వంలో అఖండ చేస్తోన్న విషయం తెల్సిందే. ఈ సినిమా షూటింగ్ దాదాపు చివరకు చేరుకుంది. మరో రెండు షెడ్యూల్స్ తో షూటింగ్ పూర్తవుతుంది. ఇక ఆ తర్వాత బాలయ్య తన 107వ చిత్రాన్ని మొదలుపెట్టబోతున్నాడు. ఇప్పటికే ఈ సినిమాను అధికారికంగా ప్రకటించిన విషయం తెల్సిందే.
గోపీచంద్ మలినేని దర్శకత్వం వహించనున్న ఈ చిత్రంపై మంచి బజ్ ఉంది. ఈ చిత్రానికి సంబంధించి కొన్ని రూమర్స్ చక్కర్లు కొడుతున్నాయి. మెహ్రీన్ కౌర్ ఈ చిత్రంలో హీరోయిన్ గా నటిస్తోందని ప్రచారం మొదలైంది. ఇది ఎక్కువ అవ్వడంతో మెహ్రీన్ దీనిపై క్లారిటీ ఇచ్చింది.
“నేను ప్రస్తుతం మారుతి – సంతోష్ సినిమాలో నటిస్తున్నాను. అది కాకుండా నేను మరో చిత్రంలో చేస్తున్నాను అనే దాంట్లో ఎలాంటి నిజం లేదు. అవి కేవలం రూమర్స్ మాత్రమే. వాటిని నమ్మకండి. మిమ్మల్ని ఎప్పటికీ ప్రేమిస్తూ ఉంటాను” అని మెహ్రీన్ పోస్ట్ చేసింది.
— Mehreen Pirzada???? (@Mehreenpirzada) June 27, 2021