రెబెల్ స్టార్ ప్రభాస్ నటిస్తోన్న చిత్రం ఆది పురుష్. ఈ సినిమా షూటింగ్ త్వరలోనే మొదలుకానుంది. ఇక ఈ చిత్రాన్ని పూర్తిగా గ్రీన్ మ్యాట్ టెక్నాలజీ, బ్లూ మ్యాట్ టెక్నాలజీ ఉపయోగించి షూట్ చేస్తున్నారు. భారీ బడ్జెట్ తో తెరకెక్కుతోన్న ఈ సినిమాలో ప్రభాస్ రాముడిగా కనిపిస్తాడు. అలాగే కృతి సనన్ సీత పాత్ర పోషిస్తుందని ఇప్పటికే అధికారికంగా ధృవీకరించబడింది.
బాలీవుడ్ నటుడు సన్నీ సింగ్ ఈ చిత్రంలో లక్ష్మణుడి పాత్రను పోషిస్తున్నాడు. ఇక ఈ చిత్రాన్ని ఓం రౌత్ డైరెక్ట్ చేస్తుండగా టి సిరీస్ సంస్థ ప్రతిష్టాత్మకంగా నిర్మిస్తోంది.
తాజా సమాచారం ప్రకారం మరాఠీ నటుడు దేవదత్త నాగ్ ఈ చిత్రంలో హనుమంతుడి పాత్రకు ఎంపికయ్యాడు. రాముడి కథ అనగానే హనుమంతుడి పాత్ర చాలా కీలకమవుతుంది. అందుకే దేవదత్తాను ఎంపిక చేసినట్లు తెలుస్తోంది. త్వరలోనే ఈ నటుడు షూటింగ్ లో పాల్గొంటాడు. అన్ని పాత్రలకు వివిధ ఇండస్ట్రీల నుండి ప్రముఖులను తీసుకుంటున్నట్లు తెలుస్తోంది.