సూపర్ స్టార్ మహేష్ బాబు ప్రస్తుతం సర్కారు వారి పాట షూటింగ్ లో పాల్గొంటున్నాడు. కరోనా వైరస్ కారణంగా బ్రేక్ వచ్చాక రీసెంట్ గా ఈ సినిమా షూటింగ్ మళ్ళీ మొదలైంది. హైదరాబాద్ లోనే ఈ షెడ్యూల్ సాగుతోంది. 2022 సంక్రాంతికి ఈ చిత్రం విడుదల కానుంది. దీని తర్వాత త్రివిక్రమ్ శ్రీనివాస్ చిత్రం కూడా లైన్లో ఉంది. అక్టోబర్ నుండి ఈ చిత్ర షూటింగ్ మొదలవుతుంది.
ఈ మధ్య సోషల్ మీడియాలో మహేష్ కొత్త చిత్రాలను కన్ఫర్మ్ చేసినట్లు వార్తలు వస్తున్నాయి కానీ ఇందులో ఎటువంటి నిజం లేదని తెలుస్తోంది. మహేష్ సర్కారు వారి పాట, త్రివిక్రమ్ సినిమాలు తప్ప మరో చిత్రాన్ని ఓకే చేయలేదు. నెక్స్ట్ సమ్మర్ కు ఈ రెండు చిత్రాల కమిట్మెంట్స్ నుండి బయటకు వచ్చేసే మహేష్ ఆ తర్వాత బల్క్ డేట్స్ ను రాజమౌళికి కేటాయించనున్నాడు.
రాజమౌళి అంటే మినిమం రెండేళ్లు డేడికేట్ చేయాల్సి ఉంటుంది. ఆర్ ఆర్ ఆర్ తర్వాత రాజమౌళి చేయబోయే చిత్రం మహేష్ తోనే అన్న విషయం తెల్సిందే.