ఉప్పెన చిత్రంతో సెన్సేషన్ క్రియేట్ చేసాడు వైష్ణవ్ తేజ్. తన తొలి చిత్రంతోనే 40 కోట్ల మార్క్ ను అందుకుని రికార్డు సృష్టించాడు. ఈ చిత్రం అందించిన ఉత్సాహంతో వరసగా మూవీ ఆఫర్స్ వైష్ణవ్ ను చుట్టుముట్టాయి. అయితే ఉప్పనే విడుదల కంటే ముందే క్రిష్ దర్శకత్వంలో ఒక సినిమా చేసాడు. రకుల్ ప్రీత్ సింగ్ హీరోయిన్ గా తెరకెక్కిన ఈ చిత్రం షూటింగ్ ఉప్పెన రిలీజ్ కంటే ముందే పూర్తయింది.
ఉప్పెన సూపర్ హిట్ అయిన నేపథ్యంలో ఈ చిత్రాన్ని కూడా త్వరగా విడుదల చేస్తే క్యాష్ చేసుకోవచ్చన్న ఆలోచన వచ్చింది. అయితే ఎందుకని క్రిష్ ఈ విషయంలో తొందరపడట్లేదు, ఎందుకని చిత్ర విడుదలను జాప్యం చేస్తున్నాడు అన్నది ఎవరికీ అర్ధం కాలేదు. ఇక్కడ సమస్య ఏమిటంటే క్రిష్ చిత్ర షూటింగ్ ను మాత్రమే పూర్తి చేసాడు. చిత్రం ఇంకా విడుదలకు రెడీ అవ్వలేదు.
నిజానికి ఈ చిత్రం అడవి నేపథ్యంలో ఉంటుంది. ఎక్కువగా విఎఫ్ఎక్స్ వర్క్ చేయాల్సి ఉంది. వివిధ కంపెనీలకు ఈ చిత్ర విఎఫెక్స్ పనులను అప్పగించాడట. కరోనా కారణంగా ఈ సినిమా విఎఫెక్స్ పనులు అనుకున్నంత వేగంగా పూర్తవ్వట్లేదు. డిసెంబర్ కు చిత్రం విడుదలకు సిద్ధమవుతుందని అంటున్నారు. థియేటర్లోనే ఈ చిత్రాన్ని విడుదల చేయాలని క్రిష్ భావిస్తున్నాడు.