తెలుగులో దర్శకధీరుడు తెరకెక్కించిన విజువల్ వండర్ `ఈగ` చిత్రంతో కన్నడ హీరో కిచ్చా సుదీప్ మంచి గుర్తింపుని సొంతం చేసుకున్న విషయం తెలిసిందే. `బాహుబలి`లోనూ చిన్న పాత్రలో మెరిసిన సుదీప్ తెలుగులో మరింత పాపులారిటీని దక్కించుకున్నారు. ప్రస్తుతం ఆయన నటిస్తున్న యాక్షన్ ఎంటర్టైనర్ `విక్రాంత్ రానా`. అనూప్ బండారి దర్శకత్వం వహిస్తున్నారు.
ఈ చిత్ర ఫస్ట్ లుక్ తో పాటు స్నేక్ పీక్ వీడియోని ప్రపంచంలోనే అత్యంత ఎత్తైన బూర్జ్ఖలీఫాపై ఆవిష్కరించారు. 2000 ఫీట్ల పొడవుతో సుదీప్ `విక్రాంత్ రానా` ఫస్ట్ లుక్ పోస్టర్ని రిలీజ్ చేశారు. బూర్జ్ ఖలీఫా పొడవుని ఆవిష్కరించిన ఈ పొస్టర్ రికార్డుని సృష్టించింది. ఇలా మొట్టమొదటి సారి తన సినిమా ఫస్ట్ లుక్ పోస్టర్ని రిలీజ్ చేసిన హీరోగా సుదీప్ సరికొత్త రికార్డుని సాధించారు.
సుదీప్ ఈ ఏడాదితో నటుడిగా 25 ఏళ్లు పూర్తి చేసుకోబోతున్నారు. ఈ సందర్భంగా `విక్రాంత్ రానా` మేకర్స్ ఈ చిత్ర ఫస్ట్ లుక్ పోస్టర్తో పాటు 180 సెకండ్ల నిడివిగల స్నేక్ పీక్ని రిలీజ్ చేశారు. ఈ సందర్భంగా హీరో కిచ్చా సుదీప్ ట్విట్టర్ వేదికగా తన ఆనందాన్ని వ్యక్తం చేశారు. బూర్జ్ ఖలీఫా వారికి ధన్యవాదాలు తెలిపారు. సోమవారం హెచ్డీ క్వాలిటీతో స్నేక్పీక్ని ప్రదర్శిస్తామని పేర్కొన్నారు.