`మహానటి` తరువాత కీర్తిసురేష్ కెరీర్ పూర్తిగా మారిపోయింది. నటనకు ప్రాధాన్యత వున్న పాత్రల్లో మాత్రమే నటిస్తూ వస్తోంది. `మిస్ ఇండియా`, పెంగ్విన్, రంగ్ దేతో పాటు పలు కీలక చిత్రాల్లో నటిస్తున్నకీర్తిసురేష్ మలయాళంలోనూ ఓ భారీ పాన్ ఇండియా చిత్రంలో నటిస్తోంది. మోహన్లాల్ హీరోగా నటిస్తున్న నటిస్తున్న తాజా చిత్రం `మరక్కార్ అరబిడకడలైంట్ సింగం`. ప్రియదర్శన్ ఈ చిత్రాన్ని తెరకెక్కిస్తున్నారు. అరేబియన్ సముద్రం నేపథ్యంలో అత్యంత భారీగా ఈ చిత్రాన్ని రూపొందిస్తున్నారు.
ఈ చిత్రానికి సంబంధించిన టీజర్ని ఇటీవలే విడుదల చేశారు. మంచి క్రేజ్ని సొంతం చేసుకున్న ఈ చిత్రంపై భారీ అంచనాలే వున్నాయి. టీజర్ గ్రాండీయర్గా వుండటంతో సినిమా ఓ రేంజ్లో వుండే అవకాశం వుందని మలయాళ వర్గాల్లో వినిపిస్తోంది. ఈ చిత్రంలో కీర్తిసురేష్ మలయాళ యువతిగా నటిస్తోంది. తాజాగా కీర్తిసురేష్కు సంబంధించిన ఫస్ట్లుక్ని చిత్ర బృందం రిలీజ్ చేసింది.
మలయాళీ యువతిగా కీర్తి లుక్ ఆకట్టుకుంటోంది. వైట్ సారీలో మళయాలీ ముద్దుగుమ్మగా కనిపిస్తున్న కీర్తి లుక్ సినిమాపై అంచనాల్ని పెంచేస్తోంది. మంజు వారియర్, సునీల్శెట్టి, అర్జున్, ప్రభు కీలక పాత్రల్లో నటిస్తున్నారు, వంద కోట్లతో రూపొందుతున్న ఈ చిత్రాన్ని ఈ నెల 26న రిలీజ్ చేయాలని నిర్మాతలు ఆంటోని పెరుంబూవర్, సంతోష్ టి. కురువిల్లా ప్లాన్ చేస్తున్నారు.