ఆరెక్స్ 100తో హీరోగా పరిచయమైన కార్తికేయ ఆ చిత్రంతో బాగానే బజ్ సంపాదించుకున్నాడు. కానీ ఆ తర్వాత కార్తికేయ నుండి సరైన సినిమా రాలేదు. రీసెంట్ గా విడుదలైన చావు కబురు చల్లగా కూడా నిరాశపరిచింది. ఈ నేపథ్యంలో కార్తికేయ నటించిన లేటెస్ట్ మూవీ రాజా విక్రమార్క ఈ వారం విడుదల కాబోతోంది. ఈ సందర్భంగా కార్తికేయ ఈ సినిమా గురించి తన కెరీర్ గురించి స్పందించాడు.
“రాజా విక్రమార్క దర్శకుడు శ్రీ నాకు రెండు గంటలకు పైగా ఈ కథ చెప్పాడు. అప్పుడే అనిపించింది ఈ సినిమా కచ్చితంగా నా కెరీర్ లో మంచి చిత్రం అవుతుందని. ఇప్పుడు సినిమా చూసాను కాబట్టి కాన్ఫిడెంట్ ఉన్నాను. ఈ చిత్రంలో నేను ఎన్ఐఏ ఆఫీసర్ గా నటిస్తున్నాను. అయితే ఇదేమి టెర్రరిస్ట్ బ్యాక్ డ్రాప్ ఉన్న సినిమా కాదు.
తన సొంత ఊరుకి వచ్చిన హీరో విచిత్రమైన పరిస్థితుల్లో ఇరుక్కుని దాన్నుండి ఎలా బయటపడ్డాను అన్నదే చిత్రం. వాలిమైలో విలన్ గా నటించాను. అజిత్ సర్ తో నటించడం మర్చిపోలేని అనుభూతి. ఈ సినిమా విడుదల తర్వాత నా కెరీర్ మంచి టర్న్ తీసుకుంటుంది. ప్రస్తుతం రెండు సినిమాలు ఒప్పుకున్నాను. యూవీ క్రియేషన్స్ బ్యానేర్ లో చేస్తోన్న చిత్రం సగం పూర్తయింది. శ్రీదేవి మూవీస్ బ్యానర్ లో కూడా సినిమా చేయబోతున్నాను.” అని ముగించాడు కార్తికేయ.