అఖిల్ అక్కినేనికి మొత్తానికి ఒక విజయం దక్కింది. తన నాలుగో చిత్రం మోస్ట్ ఎలిజిబుల్ బ్యాచలర్ తో సక్సెస్ ను అందుకున్నాడు. ఈ సినిమా సక్సెస్ తో ఫుల్ జోష్ లో ఉన్న అఖిల్..ప్రస్తుతం సురేందర్ రెడ్డి డైరెక్షన్లో ఏజెంట్ అనే యాక్షన్ మూవీ చేస్తున్నాడు. ఈ మూవీ కోసం పూర్తిగా మారిపోయాడు. భారీగా కండలు పెంచేసి అబ్బో అనిపిస్తున్నాడు. ఇక ఈ మూవీ సెట్స్ ఫై ఉండగానే అఖిల్ తో అగ్ర నిర్మాత కరణ్ జోహార్ సినిమా చేసేందుకు సిద్ధమయ్యాడని వార్తలు చక్కర్లు కొడుతున్నాయి.
ఇప్పటికే కథ కూడా ఫైనల్ అయిందని..త్వరలో అధికారికంగా ఈ ప్రాజెక్ట్ను అనౌన్స్ చేస్తారని తెలుస్తోంది. ఇప్పటికే నాగార్జున బాలీవుడ్ మూవీస్ చేస్తున్నారు. నాగ చైతన్య కూడా ఆమిర్ ఖాన్తో కలిసి నటించిన ‘లాల్ సింగ్ చద్దా’ మూవీతో హిందీ ఇండస్ట్రీలో అడుగుపెడుతున్నాడు. ఈ క్రమంలోనే ఇప్పుడు అఖిల్ బాలీవుడ్ ఎంట్రీ కన్ఫర్మ్ అనే టాక్ అభిమానులను సంబరాలకు గురి చేస్తుంది. మరి ఇది నిజామా కదా అనేది చూడాలి.