మహేష్ బాబు, కీర్తి సురేష్ జంటగా పరశురామ్ డైరెక్షన్లో సర్కారు వారి పాట మూవీ తెరకెక్కుతున్న సంగతి తెలిసిందే. రీసెంట్ గా షూటింగ్ పూర్తి చేసుకొని , పోస్ట్ ప్రొడక్షన్ పనుల్లో ఉంది. ఈ సినిమాకు ఎస్ఎస్ తమన్ సంగీతం అందిస్తున్నారు. ఇప్పటికీ ఈ సినిమా నుంచి విడుదలైన వీడియోస్, పోస్టర్స్ ఆకట్టుకున్నాయి. ఇక కళావతి సాంగ్ గురించి ఎంత చెప్పిన తక్కువే..ఈ పాట విడుదలైనప్పటి నుండి యూట్యూబ్ లో మిలియన్ల వ్యూస్ తో దూసుకపోతునే ఉంది. తాజాగా 150 మిలియన్ల వ్యూస్ క్రాస్ చేసి వార్తల్లో నిలిచింది.
వాలెంటైన్స్ డే సందర్భంగా విడుదలైన ఈ పాటకు అద్భుతమైన రెస్పాన్స్ వచ్చింది. ఈ పాటకు మహేష్ కూతురు సితార , కీర్తి సురేష్ లు స్టెప్స్ వేస్తూ ఆ వీడియో లు సోషల్ మీడియా లో షేర్ చేసారు. ఇక ఈ మూవీ సమ్మర్ కానుకగా మే 12న గ్రాండ్ గా రిలీజ్ అవుతోన్న సంగతి తెలిసిందే. అలాగే మహేష్ బాబుని పరశురామ్ తనదైన శైలిలో కంపర్ట్ జోన్ నుంచి బయటకు తీసుకొచ్చాడని తెలుస్తుంది. సినిమాలో కమర్శియల్ అంశాలు పుష్కలంగా జొప్పించినట్లు కళావతి పాత్రను..మహేష్ క్యారెక్టరైజేషన్ ని డిజైన్ చేశారని అర్థమవుతోంది.
