జనసేన అధినేత పవన్ కళ్యాణ్ కు సీఎం కావాలని ఆశ ఉంటే అతడ్ని నేను సీఎం చేస్తానని సంచలన వ్యాఖ్యలు చేసాడు వివాదాస్పద శాంతి దూత డాక్టర్ కే ఏ పాల్ . ప్రజాశాంతి అనే రాజకీయ పార్టీని ప్రారంభించిన పాల్ ఆ పార్టీ తరుపున అన్ని చోట్లా అభ్యర్థులను నిలబెట్టలేక చతికిల బడ్డాడు కానీ అమెరికా అధ్యక్షుడి ని చేసింది నేనే , ఒక్క అమెరికా మాత్రమే కాదు ప్రపంచవ్యాప్తంగా పలువురిని దేశాధ్యక్షులు గా చేసింది నేనే అంటూ సొంత డబ్బా కొట్టుకుంటూ ఉంటాడు ఈ పాల్ . స్వతహాగా కాపు కులానికి చెందిన వాడైనప్పటికీ దళిత మహిళను పెళ్లి చేసుకున్నాడు కే ఏ పాల్ . అలాగే క్రిస్టియన్ మతాన్ని స్వీకరించి విదేశాలు అయితే చుట్టొస్తున్నాడు .
తాజాగా ఓ ఛానల్ లో చర్చల్లో పాల్గొన్న కె ఏ పాల్ పవన్ కళ్యాణ్ నా తమ్ముడి లాంటి వాడని అతడ్ని ఆంధ్రప్రదేశ్ కు సీఎం ని చేస్తానని , అయితే అతడు నా ప్రజా శాంతి పార్టీలో చేరాలని అంటున్నాడు . అంతేనా పవన్ ముఖ్యమంత్రిగా అధికారం వెలగబెడితే నేను ప్రపంచ దేశాలు చుట్టొచ్చి లక్ష కోట్లు తీసుకొస్తానని అంటున్నాడు . ఇక పవన్ కళ్యాణ్ కూడా కె ఏ పాల్ కు ఏమి తీసిపోవడం లేదు . 2019 లో నేనే ముఖ్యమంత్రి అంటూ ప్రచారం చేసుకుంటున్నాడు . అసలు జనసేన పార్టీ కి ఒక్క కమిటీ కూడా లేదు కేవలం ఉన్నది పవన్ కళ్యాణ్ అభిమానులు మాత్రమే ! 2009 లో ప్రజారాజ్యం ని స్థాపించి ఇతర పార్టీలలోని నాయకులను కార్యకర్తలను కలుపుకొని ప్రచారం చేస్తేనే 18 సీట్లు రాలేదు . కేవలం జనసేన పార్టీ ని మాత్రమే పెట్టేసి ఇక నేనే సీఎం అని ఎలా భ్రమలో ఉన్నాడో ! ఏంటో ! 2019 మేలో పవన్ భవితవ్యం తేలిపోనుంది .
English Title: KA Paul bumper offer gives to Pawan Kalyan