యంగ్ టైగర్ ఎన్టీఆర్ ఫోటో ఒకటి సోషల్ మీడియాలో వైరల్ అవుతూ సంచలనం సృష్టిస్తోంది. ఆర్ ఆర్ ఆర్ చిత్రంలో ఎన్టీఆర్ లుక్ ఇదే అంటూ ఓ పోస్టర్ వైరల్ అవుతోంది . అయితే ఆ పోస్టర్ ఆర్ ఆర్ ఆర్ చిత్ర బృందం రిలీజ్ చేసిన పోస్టర్ కాదు సుమా ! ఓ అభిమాని తన క్రియేటివిటీ తో చేసిన పోస్టర్ . అయితే ఈ పోస్టర్ అద్భుతంగా ఉంది ఎందుకంటే ఎన్టీఆర్ లోని రోషం , ధైర్యం కలగలిపి ఉంది మరి .
తలపాగా చుట్టి , కొద్దిగా పెరిగిన గడ్డం , అలాగే కోర మీసంతో అచ్చం కొమరం భీం లా ఉన్నాడు , పైగా ఇది నిజమైన పోస్టర్ ని తలపించేలా ఉంది . దాంతో ఈ పోస్టర్ వైరల్ అవుతోంది . ఎన్టీఆర్ కు అలాగే చరణ్ కు గాయాలు కావడంతో ఆర్ ఆర్ ఆర్ షూటింగ్ కి వాయిదావేయాల్సిన అవసరం వచ్చింది . మళ్ళీ నెలలోనే ఆర్ ఆర్ ఆర్ సెట్స్ మీదకు వెళ్లనుంది . రాజమౌళి దర్శకత్వంలో అత్యంత భారీ బడ్జెట్ తో ఈ చిత్రం రూపొందుతున్న విషయం తెలిసిందే .