అర్జున్ రెడ్డి సినిమాతో సెన్సేషన్ క్రియేట్ చేసిన సందీప్ రెడ్డి వంగ ప్రస్తుతం బాలీవుడ్ లో యానిమల్ చిత్రాన్ని చేస్తున్నాడు. ఇదిలా ఉంటే నిన్న సూపర్ స్టార్ మహేష్ బాబు పుట్టినరోజు సందర్భంగా ట్విట్టర్ లో స్పేస్ సెషన్ ను నిర్వహించారు. ఈ స్పేస్ లో సందీప్ రెడ్డి కాసేపు మహేష్ అభిమానులతో ముచ్చటించారు.
అర్జున్ రెడ్డి తర్వాత మహేష్ నుండి పిలుపు రావడంతో సందీప్ ఒక కథను చెప్పాడు. అది మహేష్ కు బాగా నచ్చినా కానీ వివిధ కారణాల వల్ల ప్రాజెక్ట్ పట్టాలెక్కలేదు. ఆ తర్వాత సందీప్ బాలీవుడ్ వెళ్ళిపోయాడు. అయితే ఈ ట్విట్టర్ స్పేస్ లో మాట్లాడుతూ, “మహేష్ తో నేను ఒక యాడ్ కు వర్క్ చేశాను.
దాని తర్వాత 4-5 సార్లు బయట కలిసాను. కానీ మనకు తెలిసిన మహేష్ కు ఈ మహేష్ కు చాలా వ్యత్యాసం ఉంది. మనకు తెల్సిన మహేష్ కేవలం 25 శాతమే. 75 శాతం మహేష్ సైడ్ మనం చూడలేదు. త్వరలోనే మహేష్ తో సినిమా చేస్తానని” సందీప్ తెలిపాడు.