ఫలక్ నూమా దాస్ చిత్రంతో హీరోగా తనకంటూ ప్రత్యేకమైన ఇమేజ్ ను సంపాదించుకున్నాడు విశ్వక్ సేన్. ఈ సినిమా తర్వాత విశ్వక్ సేన్ నటించిన చిత్రం హిట్. న్యాచురల్ స్టార్ నాని ప్రొడక్షన్ హౌస్ వాల్ పోస్టర్ సినిమా పతాకంపై హిట్ తెరకెక్కింది. గత వారం విడుదలైన ఈ చిత్రానికి పాజిటివ్ రెస్పాన్స్ అటు క్రిటిక్స్ నుండి ఇటు ప్రేక్షకుల నుండి వస్తోంది. మొదటి రోజే పాజిటివ్ టాక్ తెచ్చుకున్న ఈ చిత్రం కలెక్షన్స్ లో స్టడీగా ఉండడం విశేషం. ఫస్ట్ వీకెండ్ స్ట్రాంగ్ కలెక్షన్స్ తో దూసుకుపోయిన ఈ చిత్రం రెండు తెలుగు రాష్ట్రాల్లో దాదాపు 3.57 కోట్ల షేర్ ను సాధించింది.
హిట్ సినిమాకు వరల్డ్ వైడ్ గా దాదాపు 6 కోట్ల థియేట్రికల్ బిజినెస్ జరిగింది. దీన్ని బట్టి మొదటి వారాంతానికే దాదాపు బిజినెస్ ను రాబట్టిన ఈ చిత్రం వీక్ డేస్ లో కనుక కన్సిస్టెన్సీ మైంటైన్ చేయగలిగినట్లైతే ‘హిట్’ సూపర్ హిట్ గా నిలిచే అవకాశాలు ఉన్నాయి. మరి ఈ చిత్రం ఈరోజు నుండి ఏ స్థాయిలో వసూళ్లు రాబడుతుందో అన్నది చూడాలి.
హిట్ మూవీ ఫస్ట్ వీకెండ్ కలెక్షన్స్ బ్రేక్ డౌన్ :
నైజాం : 2.03 కోట్లు
సీడెడ్ : 29.5 లక్షలు
గుంటూరు : 26 లక్షలు
ఉత్తరాంధ్ర : 34.5 లక్షలు
తూర్పు గోదావరి : 15 లక్షలు
పశ్చిమ గోదావరి : 15 లక్షలు
కృష్ణ : 24.5 లక్షలు
నెల్లూరు : 9.5 లక్షలు
ఆంధ్ర + తెలంగాణ : 3.57 కోట్లు
శైలేష్ కొలను దర్శకత్వం వహించిన ఈ చిత్రంలో రుహాని శర్మ హీరోయిన్ గా నటించింది. మురళీ శర్మ, హరితేజ, భాను చందర్ తదితరులు కీలక పాత్రలు పోషించారు. ఇన్వెస్టిగేటివ్ ఆఫీసర్ అయిన విక్రమ్ రుద్రరాజు జీవితంలో అనుకోకుండా జరిగిన సంఘటనలు, ప్రీతి అనే అమ్మాయి మిస్సింగ్ కేసు ఏ తీరాలకు చేరుకుంది అన్నది హిట్ మూవీ బేసిక్ ప్లాట్.