హీరో రామ్ వరుసగా రాముడు మంచి బాలుడు లాంటి సినిమాలు చేస్తూ పోతుండటంతో కొత్తగా ఏదైనా చేయాలనీ భావిస్తున్న తరుణంలో ఇస్మార్ట్ గా పూరి చెప్పిన క్యారెక్టర్ బాగా నచ్చిందట ఇంకేముంది వెంటనే ఒప్పేసుకున్నాడట రామ్ . దాంతో ఇస్మార్ట్ శంకర్ చిత్రం రూపొందిందని అంటున్నాడు రామ్ . నిన్న వరంగల్ లో ఇస్మార్ట్ శంకర్ ప్రీ రిలీజ్ ఈవెంట్ జరిగింది .
కాగా వరంగల్ కు తరలివెళ్ళింది చిత్ర బృందం . రామ్ తో పాటుగా హీరోయిన్ లు నిధి అగర్వాల్ , నభా నటేష్ , ఛార్మి , దర్శకులు పూరి జగన్నాధ్ తదితరులు హాజరయ్యారు ఈ వేడుకలో . ఇక ఆ సందర్బంగా రామ్ మాట్లాడుతూ పూరి చెప్పిన క్యారెక్టర్ నచ్చి ఈ సినిమా చేశాను తప్పకుండా మీ అందరికీ నచ్చుతుందని పూరి ప్లాప్ లతో సంబంధం లేదని అంటున్నాడు . వరుస ప్లాప్ లతో సతమతం అవుతున్న పూరి కి ఛాన్స్ ఇవ్వడానికి పలువురు హీరోలు భయపడుతుండగా రామ్ మాత్రం ధైర్యం చేసి పోరాడితే పోయేదేమీ లేదన్నంట్లుగా డేట్స్ ఇచ్చాడు . ఇక తప్పు చేశాడా ? లేదా ? అన్నది ఈనెల 18 న తేలనుంది .