‘డోర్’, ‘టర్నింగ్ 30’ వంటి చిత్రాలతో మంచి పేరు తెచ్చుకుంది మాజీ మిస్ ఇండియా గుల్ పనాగ్. ప్రస్తుతం బాలీవుడ్ చిత్రాలతో పాటు పలు పాపులర్ వెబ్ సిరీస్లలో నటిస్తంది. ఇటీవల హీరోయిన్ అనుష్క శర్మ నిర్మించిన పాపులర్ వెబ్సిరీస్ `పాథాల్లోక్`లోనూ గుల్ పనాగ్ కీలక పాత్రలో గృహిణిగా నటించి ఆకట్టుకుంది. ఆమె త్వరలో తెలుగులో అరంగేట్రం చేయబోతున్నారు.
ప్రవీణ్ సత్తారు దర్శకత్వంలో నాగార్జున ఓ భారీ చిత్రంలో నటిస్తున్న విషయం తెలిసిందే. ఈ చిత్రంలోని ఓ కీలక పాత్రలో గుల్ పనాగ్ నటించనున్నారు. ఆమె ఈ చిత్రంలో నాగార్జునకు సోదరిగా కనిపించే అవకాశం ఉందని తెలిసింది. ఈ సినిమా దేశానికి సంబంధించిన పన్నులు చెల్లింపు, ప్రజల డబ్బును సక్రమంగా వినియోగించడం వంటి వాస్తవ సమస్యల ఆధారంగా తెరకెక్కించనున్నారట.
నాగార్జున, ప్రవీణ్ సత్తారుల కలయికలో రానున్న ఈ చిత్రం బాలీవుడ్ హిట్ చిత్రం ‘రైడ్’ కి రీమేక్ అని తెలుస్తోంది. అయితే ప్రవీణ్ సత్తారు మాత్రం ఒరిజినల్ స్క్రిప్ట్తో చేస్తున్నామని చెబుతున్నారు. ఈ చిత్రం రెగ్యులర్ షూటింగ్ ఫిబ్రవరి 22 నుండి హైదరాబాద్లో ప్రారంభం కాబోతోంది. ఏషియన్ సినిమాస్ అధినేత నారాయణదాస్ కె నారంగ్ ఈ ప్రాజెక్టును నిర్మించనున్నారు.