నాని నటించిన `భలే భలే మగాడివోయ్` సినిమాతో గీతా ఆర్ట్స్2, యువీ క్రియేషన్స్ కొలబరేషన్లో చిన్ని సినిమాల్ని నిర్మించడం మొదలుపెట్టారు. ఆ తరువాత వచ్చిన `టాక్సీవాలా` గత ఏడాది డిసెంబర్లో వచ్చిన `ప్రతిరోజు పండగే` వంటి హిట్ చిత్రాల్ని తెలుగు ప్రేక్షకులకి అందించిన ఈ రెండు సంస్థలు తాజాగా మరో క్రేజీ చిత్రాన్ని రిలీజ్ చేయబోతున్నారు.
`అసురన్` సూపర్హిట్ తరువాత కార్తిక్ సుబ్బరాజ్ దర్శకత్వంలో ధనుష్ తమిళంలో `సురులి` పేరుతో ఓ చిత్రాన్ని చేస్తున్నాడు. డి40 వర్కిగ్ టైటిల్తో ఈ చిత్రాన్ని వైనాట్ స్టూడియోస్ సంస్థ నిర్మిస్తోంది. కార్తిక్ సుబ్బరాజ్ రూపొందించిన పిజ్జా, జిగర్ తాండ, పేట్టా చిత్రాలు తెలుగులోనూ మంచి విజయాల్ని సాధించాయి. దీంతో ఈ చిత్రంపై నిర్మాణ దశలోనే భారీ అంచనాలు నెలకొన్నాయి. ఈ చిత్రాన్ని తెలుగులో యువీ, గీతా ఆర్ట్స్ 2 సంస్థలు రిలీజ్ చేయబోతున్నట్టు చిత్ర వర్గాలు సోమవారం అధికారికంగా ప్రకటించాయి.
ఎస్. శశికాంత్ నిర్మిస్తున్న ఈ చిత్రానికి సంతోష్ నారాయణ్ స్వరాలు సమకూరుస్తున్నారు. శరవేగంగా షూటింగ్ జరుపుకుంటున్నీ చిత్ర ఫస్ట్లుక్, టీజర్ లని త్వరలోనే విడుదల చేయనున్నారట. ధనుష్ ఈ సినిమాతో పాటు తమిళంలో `కర్ణన్` పేరుతో రూపొందుతున్న చిత్రంలో నటిస్తున్నారు. మారి సెల్వరాజ్ దర్శకత్వం వహిస్తున్నారు. మాస్ కథగా ఈ చిత్రం రూపొందుతోంది.
Glad to collaborate with @StudiosYNot for #D40 as AP&TG Distribution Partner#D40FirstLookUpdate@dhanushkraja @karthiksubbaraj @sash041075 @UV_Creations @GA2Official pic.twitter.com/rNt4xOYscK
— UV Creations (@UV_Creations) February 17, 2020
Credit: Twitter