టాలీవుడ్లో `అర్జున్రెడ్డి` సినిమాతో సంచలనం సృష్టించిన హీరో విజయ్ దేవరకొండ. వరుస విజయాలతో క్రేజీ హీరోగా పేరు తెచ్చుకున్న ఈ హీరోతో సినిమాలు చేయాలని చాలా మంది బడా నిర్మాతలు ఎదురుచూస్తున్నారు. కొంత మంది డేట్స్ కుదరక గత కొంత కాలంగా ఎదురుచూస్తున్నారు. అయితే అందరిలాగే స్టార్ ప్రొడ్యూసర్ దిల్ రాజు కూడా రౌడీ హీరో విజయ్ దేవరకొండతో సినిమా చేయాలని ఎదురుచూస్తున్నారు. కొత్త దర్శకులతో విజయ్ దేవరకొండ కోసం గత కొంత కాలంగా కథలు రాయిస్తున్న ఆయనకు ఇప్పటికి కాలం కలిసొచ్చింది.
ప్రస్తుతం వరుస భారీ ప్రాజెక్ట్లతో బిజీగా వున్న దిల్ రాజు ఎట్టకేలకు విజయ్ దేవరకొండ డేట్స్ పట్టేశారు.
`అర్జున్రెడ్డి` సంచలన విజయం తరువాత నుంచి విజయ్తో సినిమా చేయాలని ప్రయత్నిస్తున్ప ఆయనకు మొత్తానికి విజయ్ దేవరకొండ దొరికేశాడు. ఎన్నో ప్రత్యేకతలతో తెరపైకి రాబోతున్న ఈ చిత్రాన్ని సక్సెస్ఫుల్ ప్రొడ్యూసర్ దిల్రాజు తన పుట్టిన రోజైన బుధవారం ఈ చిత్రాన్ని అఫీషియల్గా ప్రకటించడం ప్రాధాన్యతను సంతరించుకుంది.
కెరీర్ ప్రారంభం నుంచి నిన్నుకోరి, మజిలి వంటి కొత్త తరహా కథల్ని తెరపై అంతే కొత్తగా ఆవిష్కరించి దర్ఠశకుడిగా మంచి గుర్తింపును సొంతం చేసుకున్న శివ నిర్వాణ ఈ చిత్రానికి దర్శకత్వ వహించనున్నారు. దిల్ రాజుతో పాటు శిరీష్, శ్రీహర్షిత్ నిర్మాతలుగా వ్యవహరించనున్న ఈ చిత్రానికి సంబంధించిన పూర్తి వివరాల్ని చిత్ర బృందం త్వరలోనే ప్రకటించనుందని తెలిసింది.
Happy Birthday Raju sir ?
Blockbuster Gift loading!With love and respect,
Shiva Nirvana & Vijay Deverakonda. pic.twitter.com/8EUeU4DFpc— Vijay Deverakonda (@TheDeverakonda) December 18, 2019
Credit: Twitter