తెలుగు అమ్మాయిలకు అవకాశాలు ఇవ్వట్లేదు అంటారు.. ఇచ్చిన వాటిని సరిగ్గా ఉపయోగించుకోరు. చేజేతులా పోగొట్టుకుంటారు. ఈ మధ్య కాలంలో తెలుగు హీరోయిన్స్ కు పెద్దగా అవకాశాలు ఇవ్వట్లేదు. టాలెంట్ పుష్కలంగా ఉండి, గ్లామర్ గా కూడా ఉండగల హీరోయిన్స్ మనకు ఉన్నా కానీ బాంబే నుండి కానీ వేరే రాష్ట్రాల నుండి హీరోయిన్స్ ను దిగుమతి చేసుకోవడం ఎందుకని, తెలుగు వాళ్లకు అవకాశాలివ్వమని చాలా మంది సోషల్ మీడియాలో స్పందించారు. ఈ విషయంలో ఈ మధ్య కొంచెం పేరు తెచ్చుకుంటోన్న ఈషా రెబ్బాను ఉదాహరణగా చూపుతూ ఈమెకు ఎందుకు పెద్దగా అవకాశాలివ్వట్లేదు అని కూడా ప్రశ్నించారు. అయితే ఇచ్చిన అవకాశాలను ఆమె సద్వినియోగం చేసుకోవట్లేదన్న అభియోగం ఆమెపై ఇప్పుడు పడింది. ఒక చిన్న నిర్మాతకు ఆమె చుక్కలు చూపిస్తోందిట. ఈ విషయం ఇప్పుడు సోషల్ మీడియాలో హాట్ టాపిక్ అయింది. ఫిల్మ్ నగర్ సర్కిల్స్ లో కూడా ఇదే డిస్కషన్స్.
అసలు విషయంలోకి వెళితే.. అభినయంతో పాటు అందంగా కూడా ఉండే ఈషా రెబ్బా మొదట చాలా పద్దతిగా కనిపించినా ఈ మధ్య గ్లామర్ షూట్స్ అంటూ రెచ్చిపోతోంది. తరచుగా ఆమె సోషల్ మీడియా అకౌంట్ లో తన గ్లామరస్ పిక్స్ ను అప్లోడ్ చేస్తూ తాను ఎలాంటి పాత్రకైనా రెడీనే అన్న తరహాలో సంకేతాలిస్తోంది. ఇది పక్కన పెడితే చిన్న, మీడియం బడ్జెట్ సినిమాలు చేసే ఈషా రెబ్బాకు ఎన్టీఆర్ సరసన అరవింద సమేతలో ఆఫర్ రాగానే ఆమె దశ తిరిగిందనుకున్నారంతా. పెనివిటి వంటి సూపర్ హిట్ సాంగ్ లో కూడా ఆమె ఉండడంతో గుర్తింపు బానే వస్తుందని ఆశించారు. అయితే ఈషాకు వచ్చిన గుర్తింపు ఈ సినిమాతో దాదాపు సున్నా. ఈమె పాత్రకు అంతగా ప్రాధాన్యత లేకపోవడంతో అరవింద సమేత తర్వాత ఆమె దశ తిరిగిపోతుందని భావిస్తే అది కల్లే అయింది.
ఇక ప్రస్తుతం ఈషా రెబ్బా, టాలెంటెడ్ నటుడు సత్యదేవ్ హీరోగా తెరకెక్కుతున్న రాగల 24 గంటల్లో అనే సినిమాలో హీరోయిన్ గా చేస్తోంది. ఈ చిత్ర షూటింగ్ పూర్తై విడుదలకు ముస్తాబవుతోంది. అయితే అరవింద సమేత వంటి భారీ సినిమాలో చేయడంవల్లనో ఏమో అమ్మడు చిన్న హీరోయిన్ ను కాదనే తరహాలో ప్రవర్తిస్తోందిట. ఇటీవలే చిత్ర ఆడియో వేడుకలో కూడా ఎన్టీఆర్ నామస్మరణ చేయడం మనం చూసాం. అయితే రాగల 24 గంటల్లో చిత్ర ప్రమోషన్స్ కు ఈమె పెద్దగా సహకరించడం లేదట. సినిమాకు హెల్ప్ అవుతుందని ఒక ప్రమోషనల్ వీడియో షూట్ చేయడానికి నిర్మాత ప్లాన్ చేసాడట. అయితే ఈషా వైపు నుండి కనీస స్పందన లేదట. ఫోన్ కాల్స్ కూడా ఎత్తట్లేదని అంటున్నారు. హీరోయిన్ అవకాశాలు కావాలంటూ చిన్న చిత్రాల పట్ల ఇలా వ్యవహరించడం ఏంటని ఆ నిర్మాత ఇప్పుడు ఫీలవుతున్నాడు. సోషల్ మీడియాలో మంచి ఫాలోయింగ్ ఉన్న ఆమె సినిమా గురించి స్పందిస్తే ఉపయోగం ఉంటుందని అనుకుంటే ఆమె ఇలా చేయడం నిర్మాత జీర్ణించుకోలేకపోతున్నాడట. మరి ఇది నిజంగానే జరిగిందా లేక ఊరికే పుకార్లు పుట్టించారా అన్నది తెలియదు కానీ నిజమైతే మాత్రం ఈషా కెరీర్ ను స్వంతంగా నాశనం చేసుకున్నట్లే.