నందమూరి బాలకృష్ణ నటించిన ఎన్టీఆర్ బయోపిక్ రెండు భాగాలుగా వచ్చి రెండు భాగాలూ కూడా డిజాస్టర్ అయ్యాయి దాంతో తేజ ఎన్టీఆర్ బయోపిక్ నుండి తప్పుకొని మంచి పని చేసాడు అంటూ పలువురు దర్శక నిర్మాతలు తేజ ని కొనియాడారట ! ఈ విషయాన్నీ తాజాగా స్పష్టం చేసాడు తేజ . బెల్లంకొండ సాయి శ్రీనివాస్ – కాజల్ అగర్వాల్ జంటగా నటించిన సీత చిత్రానికి దర్శకత్వం వహించిన తేజ మీడియా ముందుకు వచ్చి ఎన్టీఆర్ బయోపిక్ పై కామెంట్ చేసాడు .
ఎన్టీఆర్ బయోపిక్ కు న్యాయం చేయలేను కాబట్టే తప్పుకున్నాను అయితే నేను ఆ సినిమా నుండి తప్పుకున్నప్పుడు చాలామంది ఎందుకు మంచి ప్రాజెక్ట్ నుండి తప్పుకున్నావ్ అంటూ ప్రశ్నించారు . అయితే సినిమా రిలీజ్ అయ్యాక ఫలితాలు చూసాక ఎన్టీఆర్ బయోపిక్ నుండి తప్పుకొని మంచి పని చేసావ్ అంటూ నన్ను విమర్శించిన వాళ్లే పొగిడారు . ఎన్టీఆర్ బయోపిక్ చేయకపోవడం వల్ల నాకు చాలామంచి పేరు వచ్చిందని అంటున్నాడు తేజ .