పరశురామ్ తన నుంచే మొదలుపెట్టారా?

యువ దర్శకుడు పరశురామ్ కొత్త సంప్రదాయానికి శ్రీకారం చుట్టారా? అంటే అవుననే సమాధానం చెబుతున్నారు. ‘సరిలేరు నీకెవ్వరు’వంటి హిట్ సినిమా తరువాత మహేష్ నటిస్తున్న చిత్రం ‘సర్కారు వారిపాట’ .

మైత్రీ మూవీ మేకర్స్, 14 ప్లస్ రీల్స్, మహేష్ బాబు ఎంటర్టైన్మెంట్స్ సంయుక్తంగా ఈ చిత్రాన్ని నిర్మిస్తున్నాయి. సూపర్ స్టార్ కృష్ణ పుట్టినరోజున ఈ చిత్రాన్ని అధికారికంగా ప్రకటించిన చిత్ర బృందం ఫస్ట్ లుక్ పొస్టర్ని కూడా రిలీజ్ చేసిన విషయం తెలిసిందే.

ఈ మూవీ కోసం దర్శకుడు పరశురామ్ తన పారితోషికాన్ని తగ్గించుకున్నట్టు తెలిసింది. ముందు చేసుకున్న ఒప్పందం ప్రకారం పరశురామ్ రెమ్యూనరేషన్ 10 కోట్లుగా మాట్లాడుకున్నారట. అయితే కరోనా కారణంగా బడ్జెట్ తగ్గించుకోవాలని చాలా మంది చెబుతుండటంతో పరశురామ్ తన పారితోషికాన్ని 10 నుంచి 7 కోట్లకు తగ్గించుకుని కొత్త సంప్రదాయానికి శ్రీకారం చుట్టినట్టు చెబుతున్నారు. మహేష్ సరసన సాయీ ముఖర్జీ నటించనున్న ఈ చిత్రాన్ని ఆగస్టు నుంచి ప్రారంభిస్తారట.