Thursday, August 11, 2022
Homeటాప్ స్టోరీస్ఫేడ్అవుట్ హీరోయిన్లకు కాసులు కురిపిస్తున్న హాట్ వెబ్ సిరీస్ లు

ఫేడ్అవుట్ హీరోయిన్లకు కాసులు కురిపిస్తున్న హాట్ వెబ్ సిరీస్ లు

digital streaming sites targets fadeout heroines for bold scenes
digital streaming sites targets fadeout heroines for bold scenes

డిజిటల్ స్ట్రీమింగ్ ఇప్పుడు బాగా ఊపందుకుంది. ఎంటర్టైన్మెంట్ మొత్తం మన గుప్పిట్లోకి వచ్చేసింది. సినిమాల కోసం థియేటర్లకు వెళ్లే పరిస్థితి పూర్తిగా తగ్గిపోయింది. సినిమా థియేటర్ లో విడుదలైన నెల రోజులకే డిజిటల్ స్ట్రీమింగ్ సైట్లలో దర్శనమిస్తుండడంతో ఇక థియేటర్ కు ఎవరు వెళ్లారు? ఈ డిజిటల్ స్ట్రీమింగ్ సైట్లు కేవలం సినిమాలను ప్రదర్శించడమే కాకుండా వెబ్ సిరీస్ లను కూడా అందిస్తుండడం అదనపు ఆకర్షణ. కొత్త కొత్త కథాంశాలతో డేరింగ్ టేకింగ్ తో ఈ వెబ్ సిరీస్ లు ప్రేక్షకులను ఇట్టే ఆకట్టుంటున్నాయి. ఇలా రూపొందుతున్న వెబ్ సిరీస్ లలో ఎక్కువగా బూతు కంటెంట్ లేదా అడల్ట్ డైలాగులు ఎక్కువగా ఉంటున్నాయి. వీటికే ప్రేక్షకుల ఆదరణ దక్కుతోంది. ఎంత ఎక్కువ బూతు మాటలుంటే అంత బోల్డ్ గా తీసినట్లు లెక్క వేస్తున్నారు. ఇక స్కిన్ షో గురించి చెప్పేదేముంది. న్యూడిటీ తప్ప అంతా ఉంటుంది అందులోనే.

- Advertisement -

అయితే ఈ తరహా వెబ్ సిరీస్ లు ఫేడ్అవుట్ అయిన హీరోయిన్లకు భలే కలిసొస్తోందని చెప్పాలి. ఎలాగు సెన్సార్ లేకపోవడంతో ఇక కంట్రోల్ అన్నది ఈ వెబ్ సిరీస్ లకు లేదు. ఎలాంటి కంటెంట్ ను అయినా ప్రేక్షకులకు చూపించవచ్చు. అందుకే ఎక్కువగా అశ్లీల సీన్లు తీసేవారు ఎక్కువైపోయారు. వీటి వల్ల లాభాలు కూడా బాగుండడంతో ప్రొడక్షన్ హౌజ్ లు చాలా మటుకు ఇలాంటి వెబ్ సిరీస్ లు తీయడానికి ఆసక్తి చూపిస్తున్నాయి. ఇలాంటి వెబ్ సిరీస్ లకు మొదట కావాల్సింది హీరోయిన్. బోల్డ్ గా నటించడానికి వీరు ఆల్రెడీ ఫేడ్అవుట్ అయిన హీరోయిన్లను ఎంచుకుంటున్నారు. ప్రస్తుతం పెద్దగా సినిమా అవకాశాలు లేక, సోషల్ మీడియాలో ఇప్పటికీ గ్లామర్ ఫోటోషూట్లు చేస్తూ టచ్ లో ఉన్న హీరోయిన్లను భారీ పారితోషికం ఆశ చూపి ఈ వెబ్ సిరీస్ లలో నటింపచేస్తున్నారు. సినిమా అవకాశాల కోసం చూసి అవి రాక ఇబ్బంది పడుతున్న హీరోయిన్లకు ఈ వెబ్ సిరీస్ లు మంచి ఆదాయ మార్గాలుగా మారాయి. సినిమాలకు ఏ మాత్రం తగ్గని రీతిలో వెబ్ సిరీస్ లలో పారితోషికాలు ఉంటుండడంతో వీరు కూడా బోల్డ్ గా నటించడానికి పెద్దగా అభ్యంతరాలు వ్యక్తం చెయ్యట్లేదు.

ప్రస్తుతం వెబ్ సిరీస్ లలో సినిమా తారలు చాలా మంది నటిస్తున్నారు. నెమ్మదిగా సాంకేతిక వర్గం కూడా వెబ్ సిరీస్ లవైపు చూస్తోంది. హిందీ వాళ్ళు ఈ విషయంలో చాలా ముందున్నా, తెలుగులో కూడా ఈ మధ్యే మొదలైంది. ఇప్పటికే నాలుగు టాలీవుడ్ దర్శకులు కలిసి లస్ట్ స్టోరీస్ ను తెలుగులో తీస్తున్న విషయం తెల్సిందే. ఇప్పుడు సినిమాలకు ప్రత్యామ్నాయ ఎంటర్టైన్మెంట్ గా మారిన వెబ్ సిరీస్ లు త్వరలో సినిమాలను ఓవర్ టేక్ చేసినా ఆశ్చర్యం లేదు. ఇక్కడ రైటర్లకు, దర్శకులకు నచ్చింది తీసుకునే ఫ్రీడమ్ ఉండడంతో వెబ్ సిరీస్ ల హవా జోరుగా సాగుతోంది. ఈ ముసుగులో బోల్డ్ కంటెంట్ పేరిట ఫేడ్అవుట్ హీరోయిన్ల చేత శృంగార సన్నివేశాలను ఇష్టమొచ్చినట్లు చిత్రీకరిస్తున్నారు.

Advertisement
Advertisement

టాప్ స్టోరీస్

View All

గాసిప్స్

View All

Latest Posts