తమిళ స్టార్ హీరో ధనుష్ తెలుగు సినిమాలపైన ఆసక్తి చూపిస్తున్నాడు. ఇప్పటికే సెన్సిబుల్ చిత్రాల దర్శకుడు శేఖర్ కమ్ముల దర్శకత్వంలో ఒక సినిమాను ఓకే చేసిన విషయం తెల్సిందే. ఏషియన్ సునీల్ నిర్మిస్తోన్న ఈ సినిమాను తెలుగు, తమిళ్, హిందీ భాషల్లో విడుదల చేయనున్నారు. ధనుష్ తన కమిట్మెంట్స్ అన్నీ పూర్తి చేసిన తర్వాత ఈ చిత్రాన్ని టేకప్ చేయనున్నాడు.
ఇదిలా ఉంటే ధనుష్ మరో తెలుగు చిత్రాన్ని ఓకే చేసినట్లు తెలుస్తోంది. రొమాంటిక్ ఎంటర్టైనెర్స్ తో తనకంటూ పేరు తెచ్చుకున్న దర్శకుడు వెంకీ అట్లూరి చెప్పిన కథకు ధనుష్ ఇంప్రెస్ అయ్యాడట. ఈ నేపథ్యంలో శేఖర్ కమ్ముల చిత్రం కంటే ముందే వెంకీ అట్లూరి దర్శకత్వంలో చిత్రం చేయడానికి ధనుష్ ఓకే చెప్పినట్లు తెలుస్తోంది.
తెలుగు మరియు తమిళ భాషల్లో ఈ చిత్రం తెరకెక్కనుంది. ఈ చిత్రాన్ని సితార ఎంటర్టైన్మెంట్స్ భారీ ఖర్చుతో నిర్మించనుంది. ఈ చిత్రానికి సంబంధించిన మరిన్ని విశేషాలు త్వరలోనే తెలుస్తాయి.