నటుడు విజయ్కుమార్, నటి మంజుల పెద్ద కుమార్తె వనిత మూడో పెళ్లికి రెడీ అవుతోందా? అంటే తమిళ వర్గాల్లో అవుననే సమాధానం వినిపిస్తోంది. విజయ్ హీరోగా నటించిన `చంద్రలేఖ` సినిమాతో హీరోయిన్గా ఎంట్రీ ఇచ్చిన వనిత ఆ తరువాత ఎం.ఎస్. రాజు నిర్మించిన `దేవి` సినిమాతో తెలుగు ప్రేక్షకులకు చేరువైంది. నటుడు ఆకాష్ని ప్రేమించి పెళ్లాడిన వనిత ఇద్దరు పిల్లలు పుట్టిన తరువాత అతనితో అభిప్రా య భేధాలు తలెత్తడంతో విడిపోయింది.
రెండేళ్ల తరువాత బిజినెస్మెన్ ఆనంద్ జయవర్ధనేని వివాహం చేసుకుంది. వీరికి ఓ కూతురు పుట్టింది. అతని నుంచి కూడా విడిపోయిన వనిత ఆ తరువాత నుంచి నిత్యం వివాదాలతో వార్తల్లో నిలుస్తూ తమిళ నాట సంచలనంగా మారింది. బిగ్బాస్ 3లో పాల్గొని వార్తల్లో నిలిచింది. గత కొం తకాలంగా డ్యాన్స్ మాస్టర్ రాబర్ట్ తో సహజీవనం చేస్తోందంటూ వార్తలు వినిపిస్తున్నాయి.
అయితే వనిత మాత్రం అతన్ని కాకుండా విజువల్ ఎఫెక్ట్స్ డైరెక్టర్ పీటర్ పాల్ ని వివాహం చేసుకోబోతోందని తాజాగా ప్రచారం జరుగుతోంది. ఈ ప్రచారంపై వనిత మాత్రం పెదవి విప్పడం లేదు. దీంతో వనిత ముచ్చటగా మూడవ పెళ్లికి రెడీ అయిపోతోందంటూ వరుస కథనాలు జోరందుకున్నాయి. ఈ నెల 27న చెన్నూర్లోని వనిత నివాసంలో వివాహం జరగనున్నట్టు తెలుస్తోంది. ఇందుకు సంబంధించిన పెళ్లి పత్రిక సోషల్ మీడియాలో చక్కర్లు కొడుతోంది.