విజయ్ దేవరకొండ నటించిన డియర్ కామ్రేడ్ చిత్రం నిన్న విడుదల అవ్వడమే ఆలస్యం మొత్తం సినిమాని లీక్ చేసారు తమిళ రాకర్స్ . సినిమా విడుదల అవ్వడమే ఆలస్యం వెంటనే ఆన్ లైన్ లో పెట్టేస్తున్నారు తమిళ రాకర్స్ . ఇప్పటికే పలు చిత్రాలను లీక్ చేయగా తాజాగా డియర్ కామ్రేడ్ కూడా పైరసీ బారిన పడింది . డియర్ కామ్రేడ్ చిత్రాన్ని పైరసీ చేయకుండా ఎన్ని జాగ్రత్తలు తీసుకున్నా అవలీలగా దాన్ని పైరసీ చేస్తున్నారు .
దర్శక నిర్మాతలకు , హీరోలకు సవాల్ విసురుతున్నారు తమిళ రాకర్స్ . ఒక్క తమిళ రాకర్స్ మాత్రమే కాదు పెద్ద ఎత్తున సీడీ , డివిడి లు చేసి అమ్మేవాళ్ళు కోకొల్లలు అయ్యారు గ్రామీణ ప్రాంతాల్లో . అసలే డియర్ కామ్రేడ్ చిత్రానికి నెగెటివ్ టాక్ బాగా స్ప్రెడ్ అవుతోంది . ఇలాంటి సమయంలో పైరసీ కూడా తోడైతే ఈ సినిమా గట్టెక్కడం కష్టమే అనుకుంటా !