యంగ్టైగర్ ఎన్టీఆర్, రామ్చరణ్ల తొలి కలయికలో రూపొందుతున్న మోస్ట్ క్రేజీ ప్రాజెక్ట్ `ఆర్ ఆర్ ఆర్`. రాజమౌళి అత్యతం ప్రతిష్టాత్మకంగా తెరకెక్కిస్తున్న ఈ చిత్రాన్ని 350 కోట్ల భారీ బడ్జెట్తో డీవీవీ దానయ్య నిర్మిస్తున్నారు. ఈ సినిమా ప్రారంభించిన దగ్గరి నుంచి రాజమౌళిని వరుస లీకులు ఆందోళన కలిగిస్తున్నాయి. సినిమాలోని కీలక పాత్రలకు సంబంధించిన కీలక విషయాలు ఒక్కొక్కటిగా బయటికి వస్తున్నాయి.
తాజాగా రాజమౌళితో అత్యంత సన్నిహితంగా వుండే `ఛత్రపతి` శేఖర్ ఈ సినిమాకు సంబంధించిన అత్యంత కీలక అంశాన్ని బయట పెట్టడం సంచలనంగా మారింది. రాజమౌళి రూపొందించిన ప్రతి చిత్రంలోనూ హీరో ఫ్రెండ్గా, విలన్ బ్యాచ్లో విలన్గా కనిపించి ఆకట్టుకున్న `ఛత్రపతి` శేఖర్ తాజాగా `ఆర్ ఆర్ ఆర్`లో ఎన్టీఆర్ పాత్ర, అతని గెటప్లకు సంబంధించిన కీలక సమాచారాన్ని బయటికి చెప్పడం పలువురిని ఆశ్యర్యానికి గురిచేస్తోంది.
తాను `ఆర్ ఆర్ ఆర్` గురించి ఎక్కువగా మాట్లాడకపోవడమే మంచిదని మొదలుపెట్టిన శేఖర్ ఆ తరువాత ఈ చిత్రంలో ఎన్టీఆర్ మూడు గెటప్పుల్లో కనిపిస్తాడని, అది ఆయన ఫ్యాన్స్కి పెద్ద పండగే అని సినిమా అంతా ఆయన పక్కనే కనిపిస్తానని చెప్పి షాకిచ్చాడు. దీంతో `ఆర్ ఆర్ ఆర్` టీమ్ జక్కన్న తల పట్టుకుంటున్నారట.