Thursday, August 11, 2022
Homeటాప్ స్టోరీస్ఇంతకీ అలాంటి క్యారెక్టర్ కు బాలయ్య సూట్ అవుతాడా?

ఇంతకీ అలాంటి క్యారెక్టర్ కు బాలయ్య సూట్ అవుతాడా?

Balakrishna
Balakrishna

నందమూరి బాలకృష్ణ కెరీర్ పోషించని పాత్రంటూ లేదని చెప్పవచ్చు. పోలీస్, ఫ్యాక్షనిస్ట్, రాజులు, డాక్టర్.. ఇలా అన్ని వేరియేషన్స్ ఉన్న పాత్రలలో బాలయ్య నటించేసాడు. నటన పరంగా బాలయ్యకు వంక పెట్టడానికంటూ ఏం ఉండదు. కాకపోతే ఒక్కోసారి ఆయన లుక్స్, మేకప్ విషయంలోనే ప్రేక్షకుల నుండి కంప్లైంట్స్ వస్తాయి. ప్రస్తుతం నందమూరి బాలకృష్ణ తన 105వ చిత్రంలో నటిస్తున్న సంగతి తెల్సిందే. తనతో జైసింహా తీసిన కెఎస్ రవికుమార్ ఈ చిత్రానికి దర్శకత్వం వహిస్తున్నాడు.

- Advertisement -

ప్రస్తుతం ఈ చిత్రం షూటింగ్ చివరి దశకు చేరుకున్నట్లు తెలుస్తోంది. దీనికి రూలర్ అని టైటిల్ పెట్టినట్లు దీపావళి సందర్భంగా వెల్లడించారు. ఆ సందర్భంగా విడుదల చేసిన పోస్టర్ లో బాలయ్య పోలీస్ లుక్ లో దర్శనమిచ్చాడు. పాకెట్ లో గన్ ఉన్నా కానీ చేత్తో ఆయుధాన్ని పట్టుకుని సీరియస్ గా చూస్తున్న బాలయ్య లుక్ ను వదిలారు. ఇది మాస్ కోసమని ప్రత్యేకంగా చెప్పాల్సిన పనిలేదు. ఫైట్స్, డ్యాన్స్ లు అంటే బాలయ్య ఊపు మాములుగా ఉండదు.

అయితే ఇప్పుడు డిస్కషన్ బాలయ్య పోలీస్ గా చేసిన పాత్ర గురించి కాదు. రూలర్ లో బాలయ్య రెండు గెటప్స్ లో కనిపించబోతున్నాడు. అంటే డ్యూయల్ రోల్ అన్నమాట. డ్యూయల్ రోల్స్ బాలయ్యకు కొత్తేమి కాదు. ఇప్పటికే పదుల సంఖ్యలో డ్యూయల్ రోల్స్ సినిమాలు చేసేసాడు బాలకృష్ణ. పోలీస్ కాకుండా రూలర్ లో సాఫ్ట్ వేర్ ఉద్యోగిగా కూడా కనిపించబోతున్నాడు బాలకృష్ణ. దసరాకు విడుదల చేసిన పోస్టర్ లో బాలకృష్ణ సాఫ్ట్ వేర్ లుక్ ను రివీల్ చేసారు.

ఐరన్ మ్యాన్ గెడ్డంతో సూటు బూటు వేసుకున్న బాలయ్య గెటప్ స్టైలిష్ గా ఉందనే చెప్పాలి. అయితే లుక్ విషయం పక్కనపెడితే సాఫ్ట్ వేర్ ఉద్యోగిగా బాలయ్య మెప్పించగలడా అన్నది ఇప్పుడున్న సందేహం. సాధారణంగా ఇప్పటివరకూ తెలుగు సినిమాల్లో సాఫ్ట్ వేర్ ఉద్యోగి అంటే 25-35 ఏళ్ల మధ్య వయసున్న వారినే చూపించారు. మరి 60కి దగ్గరపడుతోన్న బాలకృష్ణ సాఫ్ట్ వేర్ ఎంప్లాయ్ గా సరిపోతాడా అన్నది చిత్ర యూనిట్ ముందున్న ప్రశ్న.

అసలు ఈ రోల్ ను ఎలా చూపించారన్న దానిపై ఇది ఆధారపడుతుంది అని చెప్పవచ్చు. మరి బాలకృష్ణ పోలీస్ ఆఫీసర్ గెటప్ ను ప్రేక్షకులు ఎంతవరకూ ఆదరిస్తారు అన్నది కీలకం. రూలర్ ను డిసెంబర్ 20న క్రిస్మస్ సెలవుల సందర్భంగా విడుదల చేస్తున్నారు. ఈ చిత్రాన్ని సి కళ్యాణ్ నిర్మిస్తున్నాడు. సోనాల్ చౌహన్, వేదిక హీరోయిన్లుగా నటిస్తున్న ఈ చిత్రంలో భూమిక కీలక పాత్ర పోషించింది.

బాలయ్యతో గౌతమీపుత్ర శాతకర్ణి, జైసింహ వంటి సినిమాలకు పనిచేసిన సంగీత దర్శకుడు చిరంతన్ భట్ ఈ రూలర్ కు కూడా సంగీతం అందిస్తున్నాడు. నవంబర్ లోనే షూటింగ్ ను పూర్తి చేసి, పోస్ట్ ప్రొడక్షన్ పనులు వెంటనే మొదలుపెట్టాలని చిత్ర బృందం భావిస్తోంది. అన్ని రకాల ఎమోషన్స్ ను మిళితం చేసిన కథ కావడంతో ఈ సినిమాతో బాలయ్య బౌన్స్ బ్యాక్ అవుతాడని ఆశిస్తున్నారు నందమూరి అభిమానులు.

Advertisement
Advertisement

టాప్ స్టోరీస్

View All

గాసిప్స్

View All

Latest Posts